تەڤگەرو ژەنا کوردی جە ئەوروپانە (تەژەکە-ئە) ناڕەزایش بەربڕی جە ۋەرا ۋەرو هرووژمەکا دۆڵەتو تورکی ئەرەگیرینە دژو گەلوو سەرنیشت و ۋەرکۊتوو سووریای کە دژو هرووژمکەردەی سەرو بەنداوو تشرینی کۊتێبێنۍ ڕا.

تەژەکە-ئە واتش: "چی ڕووانە جە جەمۍ شارۍ و مېیانو ئۊروپاینە بە تایبەتی فەڕەنسا جە دژو کۆمکووژی پاریسی ئاماڎەکاری چالاکی شەرمەزار کەردەی مکریۆ، پەنەوازا گەلەکەما بە هەمان ڕۆحو سەفەربەری خاوەنداری جە دەسکەوتەکا بکەرۆ، پەشگیری  جە گەلوو ۋەرنیشتی بکەرۆ و ئا ڕووەدایۍ کە جە هەرێمەکەنە ڕووە مڎا پەی ڕایی گرڎینی وەڵا بکەرۆوە".

جە ئەرەیاۋناکەینە وچیا: "سیاسەتەکۍ پاکتاوی و نکۆڵیکەردەی دۆڵەتو تورکی ئەرەگیری سەرو گەلوو کوردەسانی سەرەمڕە بەردەوامێنۍ. هرووژمە ئەرەگیریەکۍ دۆڵەتو تورکی ئەرەگیری سەرو تشرینی بە ئاشکرا موینیا. بە هەزاران کەسۍ سەرسەعبو ئارۆی پەی ئانەی هرووژمەکا سەرو بەنداوو تشرینی شەرمەزار بکەرا و پەشگیری جەنگەوانا قەسەدەی بکەرا کە جە دژو هرووژمەکا مڎرامان مکەرا، بەرەو بەنداوو تشرینی کۆتۍ ڕا.

جە دماو ئەرەیاۋناکەو ئیدارەو ۋێڕاوەبەری سەرنیشت و ۋەرکۊتوو سووریای سەرو مەترسی وڕای بەنداوەکەی، کارەوانەکە کە پەی خاوەنداری کەردەی جە بەنداوەکەی کۊتێبێنۍ ڕا بە ئامانج گیریۍ و بە پاو زانیارییەکا گەشمەرڎۍ و زامڎارۍ هەنۍ.

سەرەمڕە جە لایەنو تەڤگەرەکەیماوە ئاماژە پانەی کریان کە هرووژمەکۍ سەرو دەسکەوتەکا ۋەرنیشتی جە دژوو تەمامو گەلوو کوردینۍ و بە تایبەت سەرو شۆڕشو ژەنان. چی ڕووانە کە جە جەمۍ شارۍ و مېیانو ئۊروپاینە بە تایبەت جە فەڕەنسا دژو کۆمکووژییەکا پاریسی ئامادەکاری پەی چالاکی شەرمەزار کەردەی مکریۆ، پەنەوازا گەلەکەما بە هەمان ڕۆحو سەفەربەری خاوەنداری جە دەسکەوتەکا بکەرۆ، پەشگیری جە گەلوو ۋەرنیشتی بکەرۆ و ئا ڕووەدایۍ جە هەرێمەکەنە ڕووە مڎا پەی ڕایی گرڎیی وەڵا بکەرۆوە.

ئێمەیچ مشۊم بە هەمان ڕۆحو سارۍ، ڕۆژبینۍ کە دیوارە تاریکەکێشا ماڕۍ خاوەنداری جە شۆڕشو ۋەرنیشتی بکەرمۍ و جە مېڎانەکانە بە ڕەنگو ۋێما دەنگما بەرز بکەرمۍ".