تەژەئا ئاماژەش پانەیە کەرد کە پەی چارەسەری پەنەوازا ڕابەر ئاپۆ ئازاد بکریۆنە و واتش: "سەرو بنەماو ئەرەمەزنارەو هەلومەرجو هەرمان کەردەی و ژیوای ئازادی ڕابەرو گەلوو کوردی ئێژا ئۆجالانی تا گۆشەگیری مەڕیۆنە جە هەڵمەتەکېما بەردەوامێ بیمێ".
تەڤگەرو ژەنە ئازادی (تەژەئا) بە دروشمۊـو "ژەنی پەی ئازادی سەرۆکایەتی، پەی کلتوور و زوانو کوردی، جە دژو تنوتیژی جە دژو ژەنا ئەوەکۆشمێنە" هەڵمەتێوە تازێ دەسش پنە کەرد. تەژەئا جە جەمەو کلتووری و هونەری دیجلەی ئامەد ئەرەیاونێوەش واناوە. واتەواچەو ئەنجوومەنو ژەنا دەبەپەی بێریڤان باهچەجی و واتەواچەو ئەنجوومەنو ژەنا دەم پارتی خالیدە تورکۆغلۆوە و چنین ژەنێ بەشداری ئەرەیاوناکەی بیێ.
ئەرەیاوناکەی بەمجۆرەیەپی جۆرەنە:
" ڕزگاربییەی چا قەیرانا کە مۆدێرنیتو سەرمایەداری وەششکەردەن ، تەنیا جە ڕاو سیستەمو کۆنفیدراڵمو دیموکراتیکو ئازادیوازی ژەنێوە کریۆنە.
وەرکەوتوو مییامینی، ئارۆ بە ڕاو دۆڵەت-نەتەوەو پیای و سەرمایەداری، بە دەسو سەرمایەدارا کە ئاڏێ بەراش ڕاوە؛ بە قڕکەردەو ژەنا، قڕکەردەو کلتووری، نکۆڵیکەردەی و دلێنە بەردەی جارێوەتەر بییەن بە مییانو جەنگو جەهانی یەرەمی. هەر چنە پێسەو زەمینەێوە قوڵو ناکۆکیەکا شارستانیەتی کە خاوەن دۆڵەتیشا وینریۆ، مشۆم جە ویر نەکریۆنە کە وەرکەوتوو مییامینی وڵاتو ئا هێزە مۆدێرنیتە دیموکراتیکانە کە مۆدێلو ژیواو ئازادی و یەکسانی ئەرەمەرزیان و پەی ئینەیچ مڏرامنێوە بێ هامتاش ڕاوەبەرد.
هێڵەو ئەوەکۆشای پێ مردای بە مەڵامەتوو پیلانگێڵنی مییاننەتەوەیی بەردەواما، سیاسەتەکا گۆشەگیریش بێکاریگەر کەردێنی و چی سیستەمەنە بەرەکێش کەردێنێ. دماو ٤٤ مانگا کە هیچ زانیاریێ جە ئیمرالیۆ نەبییەن، ٣ دیدارێ چنی ڕابەرو گەلوو کوردی ئۆجالان لوان ڕاوە، دەرئەنجامو ئەوەکۆشاین کە بە سەرمەشقایەتی ژەنا لوان ڕاوە. هەرچنە دیدارەکێ هیوا و مۆڕاڵێوە گۆرەش لاو گرڏو پێکئامایەکا و ژەنا وەش کەردەن، بەڵام تا ئیسە گۆشەگیریی بەردەواما، ئینەیچ جارێوەتەر ئانەش نیشانە دایمێ کە مشۆم پێ مردای و بە ئیرادۆ جە ئەوەکۆشای بەردەوامێ بیمێ. ئەرەیاوناکەو شاندو دەم پارتی و ئەرەیاوناکەو ئاڏشا کە جە ٧ خاڵا پێک مێ، پەی چارەسەرو کێشەو کوردی و دیموکراتیکبییەی تورکیای گرنگ وینریۆنە. وەرو ئانەی مشۆم هەوڵو قسەکەردەی فاڕیۆنە پەی چارەسەریێ هەمیشەیی.
پێسەو ژەنا تەژەئای مزانمێنە کە سەرمەشقو ئی پڕۆسەینمێ و پی هەڵمەتێ کە دەسما پنەکەردەن، گەرەکمانە چارەسەرو کێشەکا کوردی و ئازادی ئێژا ئۆجالانی بە ئەرەیاوناو و ڕاو گرڏی یاونمێ. هەڵمەتەکێما سەرو بنەماو ئەرەمەزنارەو ژیواو دیموکراتیک، ئیکۆلۆژیک، ئازادی ژەنا، دیموکراتیکبییەی تورکیای و داوا ئازادی و یەکسانی ژەنا پێک مێنە، پەی ئانەیچ پەی ماڕاو گۆشەگیری ئەوەکۆشمێنە و سەرو ئی بنەمێ وێتا بە ڕێکوزتەی کەردێنە.
بەشێ جە نەخشە ڕێکێما ئینێنە:
*جە هەڵمەتەکێمانە تاوەکو ماڕاو گۆشەگیری سەرو ڕابەرو گەلوو کوردی ئێژا ئۆجالان، ئەرەمەزنارەو هەلومەرجو خەباتی و ژتواو ئازادی ئاڏی بەردەوامینمێ.
*جە هەمانکاتەنە
*جە هەمانکاتەنە جە وەراوەرو ئی ڕوانگەو چارەسەرییانە کە جە لایەن ڕابەرو گەلوو کوردی ئێژا ئۆجالانی پێشکەش کریا، وێما بە وەرپرسیار وینمێنە.
*پەی چارەسەرو دیموکراتیکو کێشەو کوردی و پەی ئانەی مافەکێ گەلوو کوردی بە یاسایی کریانە، پێ مردای ئەوەکۆشمێنە.
*جە دژو هەر جۆرە سیاسەتێوە تاونایۆ و قڕکەردەی سەرو زوان و کلتوورو کوردی بەردەوامێنمێ، بەها کلتوورییەکێما وەرفراون مکەرمێ.
*هەوڵو ئانەیە دریۆنە کە جوگرافیاکەما بۆنە میانگەو دەربەگایەتی و دماکەوتەی، زاڕۆڵێ بە سیاسەتو قڕکەردەی ئاییندەشا تاریک کریۆنە، جوانێ و ژەنێ کە بیێنێ ئامانجو جەنگی تایبەتی، بە ڕوانگەو گلێرگەو دیموکراتیکی پارێزیانە.
*سەرو بنەماو تێزەکا ئازادی ژەنا و ڕوانگەکێ ژەنا ڕابەرو گەلوو کوردی کە بناغەو ڕزگاری قڕکەردەی ژەنێ و قڕکەردەی کلتوورییەکا؛ بە ژیواو ئازادی و هۆشیاری وێپارێزنای وێما وەڵێ وزمێ
*پڕۆسەو هەڵمەتەکەی کە دەسما پنەکەردەن تاوەکو ئازادی ڕابەرو گەلوو کوردی ئێژا ئۆجالان سەرو ئی بنەمایا بە دەس مێ، جە ئەوەکۆشایما بەردەوامینمێ.
*دروشموو ئەفسانەی ژەنی ژیوای ئازادی کە جە گرڏو جەهانینە وەڵا بییەنۆ و بییەن بە مانیفێستۆو گرڏو ژەنا جەهانی، بانگەوازو بە ڕێکوزتەی ژیوای تازە مکەرۆ. ئێمەی ژەنا تەژەئای پی فەلسەفەیۆ جارێوەتەر بانگەواز جە گرڏو گەلا تورکیای، بە تایبەت ژەنی و ڕاو گرڏی دیموکراتیکی مکەرمێ کە بە ویرو، دڵ و چالاکییەکاشا بەشدارێ هەڵمەتەکەی بانە کە دەسما پنەکەردەن ئی پڕۆسەیە فاڕا پەی زەمینێوە کە پێوەرە دەسکەوتە گۆرەکا و ئازادی بە دەس بارانە".
