ئا کۆنفڕانسەی جە تەرەفوو جمیەروو ژەنا ئازاڎیئ (تەژەئا)ی بە ناموونیشانوو "زرۍ بێدەنگی؛ وڕنای دیوارەکاو چواردەوروو زینڎانیا سیاسی " وەڕاوەبریۆ، دەسش بە هەرمانەکاش کەرد. کۆنفڕانسەکە کە سەروو ئاستی میان نەتەوەییچ ژمارېوە بەشداربیېش هەنۍ، یۆ جە ئوتێلەکا مەنتیقەو سوری ئامەڎینە ملۊڕاوە.

جە هۆڵوو کۆنفڕانسەکەینە لافیتەو "بە ژەنی ژیۋای ئازاڎییوە بەرەو ئازاڎیی" کە دروشمەو کەمپینوو تەژەئاینە هۊرواسییان. جە کۆنفڕانسەکەنە نمایشگێوە کە وێنەکۍ زینڎانیاش چنە نمایش کریان، کریاوە.

هامسەرۆکەو گرڎیی پارتوو هەڕێمە دیموکراتیکەکا (دەبەپە)ی جیدەم کلیچگون ئوچارە، هامسەرۆکەو گرڎیی پارتوو بنیاڎنیایۆ سۆسیالیستی (سەیەکەپە) جانان یوجە، نویسەرا، سیاسەڎمەدارا، ئا ژەنۍ کە پۍ ماوېوە فرەی جە زینڎانەنە بیێنۍ و دماتەر ئازاڎۍ بیۍ، رۆنامەوانا و ژمارېوە فرە جە ژەنا بەشدارېنۍ.

کۆنفڕانسەکە بە وتارەو ئەندامەو وەڵینەو پەرلەمانوو ئەوروپای مارتینا ئاندرسۆنە و چالاکەو تەژەئای فیگەن ئەکتی-ە دەسشپنەکەرڎ.