تەڤگەرو ژەنە ئازادا(تەژەئا) پێوەس بە ورچنیەیە وێمانەکاو ٣١و ئاداریوە ئەرەیاوناێوی نویسیاش وەڵا کەردۆ،  سپاسو گردو ئانیشاش کەرد، کە ورچنیەیەکانە ڕەنجشا کێشا.

بەشێوێ تەرو ئەرەیاونایەکەو تەژەئاینە ئامان: "پا پەشتگیرییە کە تەڤگەرو ژەنا جیهاننە و تورکیانە قۆناغو ورچنیەینە داشا، پەی ئا هەڵوێستەیە کە دڵ و گیانۆ دەسشا جە مدرامانی ورنەگێرت، پێسەو تەڤگەرو ژەنا ئانیشا مەبارەک مکەرمێ و سپاسوو ئا ڕەنجەیشا مکەرمێ.  

 قۆناغەکاو وەڵێ ورچنیەیەکاوە تا ئیساتێ، هەڵوێستو ڕێکوستەی و قەراریما وەراوەرو هجوومەکاو دژو سیستمو هامسەرۆکایەتی، سیاسەتەکاو دماکەوتەیی زایپەرس، نەژادپەرس و ئاینپەرسو داعشی پووچی و بەتاڵ بییەنۆ. ژەنی کە بە هیچ نۆعێ دەسشا وەنەو هامسەرۆکایەتی و هامژیوای ئازادی وەرنەدا سەرێکەوتێ. بەرنامەکێما کە جە خەباتو ورچنیەیی کلاسیکیینە جیاوازێ بێنێ و فاڕێما پەی هامدەنگیی کۆمەڵایەتی؛ تەڤگەرو ژەنە ئازادا جارێوە تەر گێڵاوە پەی دلێ گلێرگەی و هامدەنگییش قەوەتتەر کەرد. ئی ورچنیەیە جارێوی تەر نیشانەش داوە ئەرەمەرزنای ئازادیی گلێرگەی تەنیا بە قوەو ژەنا ڕێکوستەی وەش بۆ.

هەرپێسە یوەم ڕۆیۆ ماچمێ؛ ورچنیەی ئامانج نییا، بەڵکوم سەرەتایێوەن پەی بنیادنیای سیستمێوی  دیموکراتیک، سروشتواز، ئازادیوازو ژەنێ. ئا هێز، ئیرادە و سەرکەوتەیە کە بەرماوست، بە بونیادنیای سیستمێوی ژەنانەی گردگیرش بکەرمێ."

ئاخرو ئەرەیاوناکەیەنە ئامان: "ژەناو کوردی پێسەو سەرمەشقو ئازادیی، پەی بەیاگەیاونای  وەرپەرسبییەی تارێخیی، جە گرد وەختیو زیاتەر ئامادێ مدرامانینێ. پی سۆز و باوڕۆ، سڵام وەنەو گردو مدرامانو ژەناو کوردی مکەرمێ، کە کووچە و کۆڵانەکانە بەردواما، باوڕما چانەن کە جەدۆزو مافداریمانە سەرێگنمێ، ئی سەرکەوتەیەما مەبارەک مکەرمێ."