واڎەو کەردەی ورچنییەی پەرلەمانوو هەرێموو کورڎسانی دیاری کریا
کۆمیسیۆنوو باڵاو ورچنییەکاو عێراقی، ٣٠ ئایاروو ئێساڵیش پەی کەردەی ورچنییەی پەرلەمانوو هەرێموو کورڎسانی دەسنیشان کەردەن.
کۆمیسیۆنوو باڵاو ورچنیەکاو عێراقی خەریکوو ئامادەکەردەی خشتێوەن پەی کەردەی ورچنییەی هەرێموو کورڎسانی، هەرپاسە ٣٠ ئایاروو ئێساڵی پەی کەردەی ورچنییەی پەرلەمانوو هەرێموو کورڎسانی دەسنیشان کەردەن.
پەی ئا مەبەستەیچە قەرار پاسەن سەرۆکایەتیی هەرێموو کورڎسانی مەرسومی چوارەم بەرکەرۆ، پەی دیاریکەردەی ڕۆو ورچنییەکەی.
شایەنوو باسین وەڵتەر سەرۆکوو هەرێموو کورڎسانی نێچیرڤان بارزانی یەرێ مەرسومێش بەرکەردێنێ پەی کەردەی ورچنییەی و یەرێ وادێ جیاوازێ دیاریێ کریێنێ، جە دمایین مەرسومنە قەرار بێ جە ٢٥ شوباتوو ئێساڵ ورچنییەی کریۆ، وەلێ بۆنەو ڕێکنەکەوتەی لایەنەکا و ئەگەروو هەموارکەردەیۆ یاساکاو ورچنییەی، نەتاویا ورچنییەی واڎەی دیاریکریاو وێشنە کریۆ.
