ڕاوەبەرایەتی گرڎینوو گەشتوگېڵ و هەڵەبجەی سەبارەڎ بە واڎەو لۋای ڕاوەو فێستیڤاڵوو هەناری جە سنوورەکەشانە ئەرەیاۋناش: جە ڕۋان و ٢و ٣ و ٤و مانگەی ئاینڎەینە چېروو نامۍ “هەنار و پایزوو هەڵەبجەینە” نۆیەمین فێستیڤاڵوو هەناری جە شارەکەمانە ملۊڕاوە.

ئاماژە پانەیچ کریان، جە فێستیڤاڵەکەنە، بېجگە جە نمایشکەرڎەی هەناروو هەڵەبجەی و دەوروبەرىش چنڎین ۋەرهەمۍ دلېینەی و هەرمانەی دەسیەو ژەنا سنوورەکەیما وزیا ڕووە.

ئانەیچ وزیان ڕووە، جە فیستیڤاڵەکەنە ژمارېوە فرە جە مېمانا دلېینەی و وڵاتا هامسای و باڵیۆز و کۆنسوڵ و وڵاتا جەهانی بەشڎارۍ با.

یاگۍ ئاماژەین، جە ماوەکا ۋیەرڎەینە هه‌شت فێستیڤاڵۍ هەناری جه‌ هه‌ڵه‌بجەنە‌ لۋېنۍ ڕاوە و ئېساڵ بۊ بە نۆیه‌مین چالاکى چا جۆرەیە.