قسەکەرو وەزارەتو جبەرو تورکیای ئەرەیاۋناش، جە یەرۍ نیسانیۋە، کایەو عاسمانیی تورکیای ڕوۋەو تەیارەکا تەیارەخانەو سلێمانی-رە وزیانەرە و تا مانگەو تەموزی درێژە کېشۊ.
قسەکەرو وەزارەتو جبەرو تورکیای ئەرەیاۋناش، جە یەرۍ نیسانیۋە، کایەو عاسمانیی تورکیای ڕوۋەو تەیارەکا تەیارەخانەو سلێمانی-رە وزیانەرە و تا مانگەو تەموزی ماوەو وستەیرەکەی درێژە کېشۊ.
"تانژو بیلگیچ"، قسەکەرو وەزارەتو جبەرو تورکیای جە کۊنفرانسێۋە ڕۊنامە وانینە ۋاتش:" جە یەرۍ نیسانیۋە، کایەو عاسمانیی تورکیای ڕوۋەو تەیارەکا تەیارەخانەو سلێمانی-رە وزیانەرە، قۊناغو یوۋەمو قەرارەکەی حەتا یەرۍ تەمووزو ٢٠٢٣ ھەرمانەش پنەکریۊ، حەتا ئا مانگۍ جە نزیکۊ چەمڎاری ڕوۋەداکا مکەرمۍ و چېرو رۊشنایی ئاڎیشانە چەمش پۊرەرە خشکنمېۋە.
قسەکەرو وەزارەتو جبەرو توركیای، ھەرمانەو ڕێكوزیاکا تەڤگەری ئازاڎیی كورڎسانیش جە سلێمانینە بە بەھانۍ وستەیرەکەی ئارڎۊ.
وستەیرەو كایەی عاسمانی تەیارەخانەو سلێمانی ڕوۋەو توركیای-رە هامۋەختا چنی ھجومە عاسمانییەكا دۊڵەتو توركی پۍ سەرو هەرێمو كورڎسانی و ۋەرنیشتوو كورڎسانی و بە ئامانجگېرتەو هاموڵاتیا.
حەرپاسە، وستەیرەو كایەی عاسمانی توركیای ڕوۋەو سلێمانی-رە جاری یوۋەم نیا و جە دماو ڕیفراندۊمیۊ كایەی عاسمانی هەولێری و سلێمانی ڕوۋەو توركیای-رە وزیێرە و دماو چن مانگێۋە کریێۋە.
ھ.ش
