وەزیروو وەرگیری عێراقی سابت عەباس، ئاماژەش پانەی دا یۆ جە تەوەرەکا سەردانیە چەمەڕاکریاکەو سەرۆکوەزیرانوو عێراقی پۍ واشنتنی جە مانگەو نیسانینە گفتوگۆکەردەیا جە بارەو پرسوو کێشیایۆ هێزەکا هامپەیمانیی میان دەوڵەتیی جە عێراقەنە بەشێوەو پلەبەندی.
وەزیروو وەرگیری عێراقی سابت عەباس، جە چەمپنەکۊتەیێنە چنی کەناڵوو 'حەدەس'ی ئاماژەش پانەی کەردەن؛ کە یۆ جە پرسوو سەردانیە چەمەڕاکریاکەو سەرۆکوەزیرانوو عێراقینە پرسوو کێشیایۆ هێزەکا هامپەیمانیی میان دەوڵەتیین و واتش: " حیچ ڕێککۆتەیێما چنی تورکیای نییا پۍ ئۆپراسیۆنی هامبەشی دژوو پەکەکەی، تەنیا ئانە نەبۆ کە لایەنی تورکی پاسە مزانۆ ئەگەر دڵنیایی ئەمنیی جە سنوورە هامبەشەکامانە بۆ، مەنەیۆ هێزەکاو تورکیای جە عێراقەنە پێویس مەبۆ."
