ئاکەپە چنارەینە بە ٢ ملوێن لیرۍ دەنگش سانا
ئاکەپە جە چوار دەگۍ مەنتیقەو چناری ئامەدینە هەزار و ٢٠٠ دەنگێش بە ٢ ملوێن لیرۍ سانۍ.
ئاکەپە پۍ ئی هۊرچنیەیچە جگە جە فاڕایۆ ژمارێوە فرە جە پۆلیسا و سەروازا پێسە دەنگدەری پۍ شارەکاو سەرنیشتوو کوردسانی، هاموەخت بە چن ڕێوە قیزەونی تەر حۊڵوو بەدەسئاردەی دەنگی مڎا.
بەپاو بەڵگەنامێوە جە دەگایەکا مەنتیقەو خانا ئاخپار (چنار)ی ئامەدی کاندیدوو ئاکەپەی جە ۋەراۋەروو دەنگوو هەزار و ٢٠٠ دەنگدەرا دەگایەکا هالۆرەن، دۆگروک و دارێنە قیمەتوو دووۍ ملوێن لیراش بە مەلاو دەگاو هالۆرەنی دان پۍ ئانەی بیاونۆش بە ئەنجومەنەکا ئا دەگایا.
جە هۊرچنیە پەرلەمانیەکەو ساڵەی ویەردەینە ئاکەپە چا یەرە دەگایانە ٦٨ دەنگێش بەدەس ئاردۍ، جە ۋەرا ۋەرەنە پارتوو دیموکراسی گەلا زیاتەر جە ٨٠٠ دەنگاش بە دەسئاردۍ بێنۍ.
