جە ورچنییەکاو دلێنە، کە ٣١ ئازاروو ٢٠١٩ لە قەزاو قەرەچوبانوو سەر بە ئەرزرۊمینە کریا، پارتی دیموکراتیکوو گەلا (هەدەپە) بە ٥ هەزارۍ و ٤١٧ دەنگۍ ئیدارەو شارەوانیینە سەرکەوت و ئاکەپە بە ٤ هەزارۍ و ١٥٤ دەنگۍ بی بە دووەم.

گرد دڵنیۍ بێنۍ پارتوو یەکسانی و دیموکراسیی گەلا (دەم پارتی) شارەکەنە قەوەتا و بەدڵنیاییوە سەر گنۊ. دماو ورچنییەی ١٤ ئایاری، ٣٢٠ دەنگدەرۍ شارەکەنە نریێنێرە. یاگۍ ژمارە ١٤ جادەو گوندوزینە قەزاو هاجیلەری، ژمارەو دەنگدەرا پەی ٢٥٧ دەنگدەرا بەرز بییۊ، وەختێوەنە ٣دەنگدەرۍ بێنێ.  دیسانۊ دەنگدەرۍ مەنتێقەو ئەرەنیشتەبییەی ژمارە ١٣ جادەو خەسەخانەو شارۊچکەو حەسیلارینە تۊمار کریا، وەلۍ جە ورچنییەی ٣١ ئازارینە، بەرکەوت ژمارەو دەنگدەرا پەی  ٦٣ دەنگدەرا بەرز بییەنۊ. ئاماژە پانەیچ کریان یاگۍ یوەمەو بەیاگەیاونایەکا بیناو ڕاوەبەرایەتیی پۊلیسوو قەرەجوبانینە بییەن.  ڕێکوستەی دەم پارتیینە قەرەجوباننە تانەشا وەنەو ورچنییەی شارۊچکەکەیشا دا.

دەم پارتی ناڕەزاییش نیشانە دا

جە داواکاریی ناڕەزایەتیی دەم پارتینە ئامان، کە مەحاڵا ئاندە دەنگدەرۍ باڵەخانێوەنە با و بارەگاو ئاسایشوو شارۊچکەکەینە پێسە یاگۍ بەیاگەیاونای هەرمانۍ قبووڵ کریۊ.