ۋەرپەرسێوە ئێرانی جە بەشداری بەرنامېوە تەلەفیزیۆنو دۊڵەتینە ئامارەو کوشیایا جەنگو ئسرائیل-ئێرانیش وست ڕووە و ئەرەیاۋناش، دماو جەنگو ١٢ ڕووەی چنی ئیسرائیلی ژمارەو کوشیایەکا جە وڵاتەنە پەی هەزار و٦٠ کەسا بەرزبیەنۆ.
سەعید ئۆحدی، ۋەرپەرسو مېیانو هەرمانو کارو گەشمەرڎا و کەمئەنداما ڕۊو دووەشەممەی جە چەمپنەکۊتەیێنە چنی تەلەفزیۆنو دۊڵەتی، ئەرەیاۋناش: "تا ئی وەختە هەزار و ٦٠ کەسێما جە سەرانسەرو وڵاتینە ئەسپرڎە کەردێنې.
بەپاو ئامارە فەرمییەکا وەڵتەری، جە جەنگەکەنە کە ١٣و حوزەیرانی بە هرووژمو ئیسرائیلی دەسشپنەکەرڎ و جە ٢٤و حوزەیرانی بە ئاېێربەس دمایش پنە ئاما، ئەرەیاۋېیا لاوکەمیۆ ٩٣٥ کەسې کوشیېنې.
جە ماوەو جەنگی ١٢ڕووەینە، بە مەڵامەتو هرووژمەکا ئیسرائیلیۆ ۋەرپەرسا باڵاو سوپاو پاسدارا و هامکات نزیکەو ١٠ زانایا ئەتۆمی ئێرانی کوشیې.
مەسعوود پزیشکیان سەرۆککۆمارو ئێرانی جە بەیاننامێوەنە ڕۊو دووەشەممەی ٧و تەمموزی، بانگەشەو ئانەیشە کەرڎ کە ئیسرائیل هەوڵو تیرۆرکەردەیش دان بەڵام شکسشا ئارڎ.
