بە بۆنەو ڕۆو گەشمەرڎاوە سەرنیشت و وەرنیشتو سوریاینە چالاکیی جیاواز کریا. میانەو چالاکییەکانە یاڎو گەشمەرڎاو سەرو کەشو قەرەچۆخی و گەشمەرڎاو مانگەو نیسانی، کە وەخت و شۆنەی جیاوازنە گەشمەرڎێ بیێ یاڎێ کریێوە.

تەبقە

ئەنجوومەنو بنەیانەو گەشمەرڎاو تەبقەی لە قەبرسانو گەشمەرڎانە مەراسیمێوشا ساز کەرد، ڕاوێژکاری وێڕاوەبەریی دیموکراتیکو کانتۆنو تەبقەی، مەزڵوم یوسیف، گردو گەشمەرڎاشا یاڎێ کەرڎێ و وەعدو درێژەدای مدرامان و کۆشیایشا ئەوەخوای کەردۆ.  

مەراسیمەکەنە سەرو قەبرەو گەشمەرڎاوە مۆمێ گیسیێنە و فیلمێو سەرو کۆشیای گەشمەرڎە عەزیز عەرەبیوە نمایش کریا.

کۆبانی

بە هەمان مەبەس کۆبانی-ێنە ئەنجوومەنو بنەیانەو گەشمەرڎاو کانتۆنو فوراتی بە بەشداریی وانیاراو زانکۆو کۆبانێ قەبرسانو  گەشمەرڎاو دیجلەینە مەراسیمو یاڎکەرڎەیوە گەشمەرڎا کریا  و چەنەدوایێ ونیێوە و وەعد دریا تا سەرکەوتەی و بەدیئارڎەی ئازاڎیی جەسەیی ڕابەرو گەلو کوردی عەبدوڵڵا ئۆجالانی درێژە بە ڕێبازو گەشمەرڎا مدانێ.  

ئاخرو یاڎەکەینە دروشمو "گەشمەرڎێ نمەمرا" و "مدرامان ژیواین" وچیێوە.

حەڵەب

هەرپاسە حەڵەبنە، ئەنجوومەنو بنەیانەو گەشمەرڎاو شێخ مەقسوودی و ئەشرەفییەی قەبرسانو گەشمەرڎانە وتارشا واناوە. ئەندامەو ڕاوەبەریی ئەنجوومەنی، ڕەوشەن محەمەدە، بەیاننامێوەش واناوە و وەعدش دا تا سەرکەوتەی ڕێبازو گەشمەرڎا وەرنمەدانێ و درێژە بە کۆشیای مدانێ.

ئاخرۆ ئاماژە کریا گەشمەرڎێ بەرڎەوام ڕاو سەرکەوتەی گێرا تا ڕزگاریی خاکە ئەرەگیرکریایەکا ڕۆشن مکەراوە.