٢٥و نیسانو ٢٠١٧ دەوڵەتی ئەرەگیرکەرو تورکی هجومش کەرد سەرو بارەگاکاو فەرماندەیی گردینو یەکینەکاو پارێزنای گەلی و ئەنجامنە ٢٠ جەنگەوانێ یەپەژەی و یەپەگەی گەشمەرڎێ بیێ. ئارۆ پەی یاڎو ئا گەشمەرڎا، مەراسیمێوی جەماوەریی شایستە کەشو قارەچۆخینە کریا.

ئەندامو ڕاوەبەری ئەنجومەنو بنەیانەو گەشمەرڎاو سەرنیشت و وەرکەوتو سوریای جەواهیر عوسمان قسێش کەرڎێ و گردو گەشمەرڎاو ڕاو ئازاڎییش یاڎێ وستێوە و واتش: "دوژمنەکەما بەرڎەواما جە پلانە ئەرەگیرکارییەکاش دژو گەلەکەیما، ئینا هەوڵێ ئانەینە ئیراڎەو گەلەکەیما و دەستکەوتێو کە سەیەو ویرۆکەکاو ڕابەر عەبدوڵا ئۆجالانی و ونەو گەشمەرڎاوە دەس کەوتەن بەرۆش دلێنە."

درێژەو وتارەکەیشنە جەواهیر واتش، ئیراڎەو گەلەکەیما جە هجومەکاو دەوڵەتی ئەرەگیرکەرو تورکی گەورەتەرا و ئاماژەش دا کە دەوڵەتی ئەرەگیرکەرو تورکی هجومەکاشنە ژەنا مکرۆنە دەکاتە ئامانج، چونکوم ژەنی سەرمەشقایەتیی شۆڕشو ئازاڎیی مکەرانێ و پەی ئارامیی مەنتێقەکەی داعششا دلێنە بەرد. پەوکای پێویسا تا پلانەکاو دژو گەلەکەیمان پووچەڵێ بکەرمێوە بەرڎەوامێ بیمێ جە کۆشیای و مدرامان."

میانەو مەراسیمەکەینە ڕۆکسان محەمەد قسەکەرو یەپەژەی وتارێوەش پێشکەش کەرد و واتش: "ئارۆ حەوتەمین ساڵیاڎو گەشمەرڎاو قەرەچۆخین. حەر گەشمەرڎێو نوێنەرایەتیی تارێخیی کۆشیای گەلەکەیما مکەرۆ.  ئی گەشمەرڎێ پەی گەل و بنیاتنیای نەتەوەی دیموکراتیکی و برایی گەلا بە ویرۆکەی ڕۆشەنویرانە و مدرامانۆ مکۆشیا و گیانشا بەخت کەرد، ئێمە ئارۆ سەیەشاوە هەنمێ."

ڕۆکسان محەمەدئاخریچۆ  واتش: "دەوڵەتو تورکی نمەتاوۆ ئیراڎەیما بماڕۆ، ئێمە بە مدرامانو گەشمەرڎا و ویرۆکەکاو ڕابەر عەبدوڵا ئۆجالانی ڕووبەڕووێ هجوومەکاو دوژمنی و پلانەکاش مبیمێوە و ژیواێوی ئارام پەی گەلەکەیما دابین مکەرمێ. و داواش وەنەو گرد لێوی کەرڎە، کە پێویسا کۆشیای و مدرامانیما وەرفراوانتەر بکەرمێ."