جە ١٤ەمین ساڵیاڎوو جە قەنارەدای شیرین عەلەم هوولۍ ، فەرزاد کەمانگەر، عەلی حەیدەریان و فەرهاد وەکیلی-نە،  گەریلۍ هەپەژەی ئایسەل چیا بە رێزداریوە ئا گەشمەرڎێشە یاڎ ئاردێوە و ئاماژەش پانەی کەرد کە ویرئاردەیۆ یاڎ و ویرەوەری گەشمەرڎا ڕانمای و ڕۊشنای ڕاو کۊشیای و زەریفی ژیۋای شۆڕشگێڵنیا.

ئایسەل جیا جە بەردەوامی قسەکاشەنە باسش چانەی کەرد، کە " ساڵەو ٢٠١٠ی زایینینە کۆماروو قەنارەی چەو پەڕوو چەرمە سەری و داماگی ۋێشەنە پەی ڕاگێرتەی جە  گەشە کەردەی جمیەروو کوردی  چوار شۆڕشگێڵنۍ ئازاڎیی و هامڕێما کە تەماموو ژیۋای ۋێشا جە ڕاو ئازاڎیی گەلە کەیشانە و بە دیمۆکراتیک کەردەی گەلا تەرخان کەردەبۍ، جە قەنارەی دۍ. دەوڵەتوو ئەرەگیروو ئێرانی ئەجێشەنە کە بە جە قەنارەدای ئا هەڤاڵا متاوۆ ئیراڎەو ئازاڎیی وازا تێک بڎۆ. حەرپاسە کە گەرەکش بۍ بە ئەشکەنجەو گێرتەی ئا هەڤاڵا، ئاڎیشا بارۆ چۆکەرە و تەسلیمۍ بکەرۆ، بەڵام مدرامان و موزیڕ بیەی هامڕایاما تەماموو ئامانجە کا داگیرکئەرەگیراش پوچ کەردۆ. حەرپاسە کە هامڕێما شیرین عەلەم هوولیە جە کتێبەکە و ۋێشەنە بە نامۍ پەپوولەو ئازاڎییۆ باس چانەی مکەرۆ کە ڕەنگاتی دۆژمن بتاوۆ ژیۋای من گێرۆ بەڵام مەتاوۆ حەیا و روومەتوو من گێرۆ".

گەریلا ئایسەلە ئاماژەش پانەیچ کەرد "ئا مدرامانەو هەڤاڵاما جە زینڎانە کا ئێرانینە تەنیا بە مدرامانۆ قەتیس نەمەن و کۊشیایۍ بێ هامتاشا بەردڕاوە و ئا کۊشیایەی کە سەروو بنەماو فەلسفەو ژەنۍ ، ژیۋای ، ئازاڎیی بۍ کە جە ساڵەو ٢٠٢٢ێنە جە تەرەفوو گەنجا و ژەنا ئێرانی و ۋەرکەوتوو کوردسانیۆ بەتینتەر کریا. جە کەسایەتی هەڤاڵ شیرینێنە وەسفێوە شۆڕشگێڵنی جە ژەنەی ئازاڎۍ سەروو بنەماو فەلسەفەو  ژەنۍ ، ژیۋای ، ئازاڎیی کریاوە،  کە ئارۆ ژەناو ئێرانی و ۋەرکەوتی ۋێشا پا فەلسەفەیە ڕازناوە بۆنەشۆ ئاماڎێنۍ گیانوو ۋێشا بەخشانۍ".

جە دما دمایینە گەریلا ئایسەلە جارێوەتەر  جە کەسایەتی ئا چوار گەشمەرڎانە گرڎوو گەشمەرڎا ڕاو ئازاڎیی و گەشمەرڎا ئاخێزوو ژەنۍ ، ژیۋای ، ئازاڎییش ویر ئاوردۍ و واتش یاڎەوەری گەشمەرڎا سەرچەمەو کۊشیایمانە و ئێمەیچ قەسەم و پەیمانما بەدی ئاردەی ئاواتەکاو ئاڎیشان".