ئەڎایا ئاشتیی ۋەرکەوتوو کوردسانی بۆنەو یاڎوو ئەڎا هادیلەی ئەڎاو موراد قەرەیلانی ئەنڎاموو دەسەو ڕاوەبەری پەکەکەی و فەرمانڎەو قەرارگەو ناوەنڎیی هێزەکاو پارېزنای گەلی، جە شاروو سنەی جە ۋەرکەوتوو کوردسانی مەراسیمێوەشا سازکەرڎ.
هادیلە قەرەیلان، ئەڎاو موراد قەرەیلانی، فەرمانڎەو نەپەگەی و ئەنڎاموو دەسەو ڕاوەبەری پەکەکەی، کە جە ٧و کانوونوو دووەمیەنە عەمرەو خوڎایش کەرڎە. پی بۊنۆ جە فرەو یاگا کوردسانی و بەروو وڵاتی مەراسیموو یاڎکەردەیۆ لوواڕاوە.
حەرپاسە جە شاروو سنەی جە ۋەرکەوتوو کوردسانیچ یاڎوو ئەڎا هادیلە قەرەیلانی ئەڎاو موراد قەرەیلانی کریاوە.
مەراسیموو یاڎکەردەیۊکەی جە لاو ئەڎایا ئاشتیی ۋەرکەوتوو کوردسانیوە لوواڕاوە.
مەڕاسیمەکە بەدەیەقېوە بێدەنگی و ڕێز پۍ یاڎوو گەشمەرڎا ڕاو ئازاڎیی کوردسانی دەسش پنەکەرڎ، ئاڎایا ئاشتی وێنەکاو هادیلە قەرەیلانۍ کە سەرشاوە نویسیابۍ"ئەڎایا شۆڕشگێڵنەو کوردسانی" چنی وێنەکاو ڕابەروو گەلوو کوردی عەبدوڵا ئۆجالانیشا بەرزۍ کەردۍ.
حەرپاسە گۆشېوە جە یاگۍ مەراسیمەکەی بە گوڵ و وێنۍ و مۆمۍ گیسیێنە ڕازیابېوە.
چی مەراسیمەنە بەیاننامېوە ونیاوە کە چنەشەنە سەرەڕاو ڕێزۋنەگێرتەی جە یاڎوو ئەڎا هادیلە قەرەیلانۍ، پەرسە و سەرەوەشی ئاراسەو بنەیانەو قەرەیلانی و تەماموو گەلی وڵاتپارێزوو کوردسانی و بەتایبەت موراڎ قەرەیلانی ئەنڎاموو دەسەو ڕاوەبەری پەکەکەی و فەرمانڎەو قەرارگەو ناوەنڎیی هێزەکا پارېزنای گەلی کریا.
جە دەقوو بەیاننامەکەینە ئامابۍ:"بۊنەو کۆچی حەقەتین و ئەڎا لەتیفەی، ئەڎای سەربەرزەو، هەڤاڵ مەروانی، ئەندامەو ئەڎایا ئاشتی، پەرسەو سەرەوەشی ۋېما بەربڕمۍ". "ڕۆحوو ئەڎایا کوردسانی شادبۆ و نموونەشا زیاتەر بۆ".
دماو وەنایۆ بەیاننامەکەی، مەراسیمەکە بە واتەیۆ دروشمەو "گةسمەرڎۍ مەمڕا" دمایش پنەئاما.
