ئەڎایاو ئاشتیی ئەوەڵوو پەیامەکەیشاوە واتشا: "پاسە زانێنۍ متاوا وەرەتاوی چێروو هەورە سیاوەکانە شاراوە، ئجێشا متاوا را وەنەو ڕۆشنایی گێرا و نازا مانگە بەر بۍ و هەساراو عاسمانوو وەڵاتیما درەوشیاوە، ئجێشا متاوا ڕا وەنەو فڕای باڵارەکا گێرا، وەلۍ ئەی ئا کەسە کە دوورگەو ئیمراڵیینە شەپۆلەکاو بەحری سیاوی بیێنۍ تاقە هامڕاو چرکە بەچرکەو ژیوایت، ئیساتۍ دەنگت بییەن هومێدوو ئاشتی و ئازادی و هامژیوای پەی گردوو ئینسانە ئازادیوازەکا".

 درێژەو پەیامەکەینە ئامان: "١٥ شوباتی، ڕۆو پیلانگێڵنیی میاننەتەوەیی دژ بە پەیامبەروو ئاشتی و عەشق و ئازادی، سەرۆک ئاپۆی، شەرمەزار کەرمێ".

ئاخرۆ ئەڎایاو ئاشتیی وەرکەوتوو کورڎسانی داوا وەنەو گرد ئینسانە ئازادیوازەکا کەرا، هەوڵەکاشا پەی ئازادیی ڕابەروو گەلوو کوردی عەبدوڵا ئۆجالانی زیاتەرۍ کەرا و جەختشا کەردۆ جە گەورەکەردەی کۆشیای.