ئامەدنە هەرمانەو ورچنیەی پارتوو چەپی سەوزی بەفراوانی بەرڎەواما. ئازاڎ بارش کاندیدوو پارتەکەی ئامەدنە ئەرەیاوناش، کە گەل داواو فاڕیای کەرۊ.

ئازاڎ بارش پەی ئاژانسەکەیما قسێش کەردۍ و واتس، " کەشوهەوێوە بێوێنە هەن. گەل جۊشوخرۊشش هەن. ئێمەیچ جۊشوخرۊشماهەن. کۊبییەیۊکەیما چەنی گەل بەقوەتێنێ. فاڕیای و ئازاڎی وێشا نیشانە مدا."

بارش ئاماژەش بە دیالۊگوو ئادیشا و گەلی کەرد و واتش، " گەل داواو فاڕیای کەرۊ."

بارش باسوو ئانەیش کەرد، کە گەل فرە چالاکا و گەنجۍ زیندێنۍ و ژەنیچ فرە چالاکێنی.

بارش ئانەش وست ڕووە، کە بەتایبەتی گەنجۍ فرە حەوڵۍ مدا یاگەدەسشا دیار بۊ و گرڎ کەسێوە ماچۊ ئێمە ئینایمۍ چەنی پارتەکەو وێما و ناموونیشانما دیارا."

بارش واتش، " ئامەد ئامادەن و فاڕیای جە ئامەدۊ دەس پەنە کەرۊ و پێسە درێژەش بە قسەکاش دا:

" ئامەد سەر گنۊ تورکیا سەر گنۊ، گەل سەر گنۊ. چێگە جۊشوخرۊشێوە فرە هەن، کە گرڎوو کورڎسانینە وەڵا بییەنو هەنگام بە هەنگامیچی تورکیانە وەڵا بۊوە."

ماچۊیچ، پەشتگیریێوە فرە هەن. کاندیدەکۍ یانە بە یانە گێڵا و واتش، " بەرەکاشا پەی ئێمە کەراوە. ئێمەیچ حەوڵۍ مدەیمۍ جە پەشتەو بەرەکاوە تاریکی دلێنە بەرمێ. ورچنیەی گرڎچێو فاڕۊ، وەلێم قۊناغوو دماو ورچنیەی گرنگا."

بارش حەرپاسە واتش، گەل داواکارا مشکیلەو کورڎی چارەسەر کریۊ و دیموکراسی و ئاشتی وەرقەرارۍ با و فاڕیای بۍ ئاراوە، پێسە کەشوهەواو فاڕیای دلۍ خەڵکینە وەڵا بۊوە."

س.ز