یۊبیەو ژەنا شۆڕشگێڵنۍ ئەفغانستانی (راوا) بۊنەو ساڵیاڎوو پیلانگێڵنیی میان نەتەوەیی جە دژوو رابەروو گەلوو کوردی عەبدوڵا ئۆجالانی، پەیامێوەش ئاراسەو ئینتەرناسیۆناڵیستەکا ۋەرنیشتی کەرد.
راوا پەیامێوەش ئاراسەو ژەنا ئینتەرناسیۆناڵیستی جە ۋەرنیشت کەرد و پۍ ئازاڎیی جەسڎەیی رابەروو گەلوو کوردی عەبدوڵا ئۆجالانی و زینڎانیا سیاسی پەیاموو پەشتیوانی و کۊشیایش ئەرەیاۋنا.
جە ئەرەیاۋناکەینە ئامان، کە ژەنا ئەفغانستانی نیم سەڎەن ئینۍ چێروو باروو قورسوو رژێمە ئیمپریالیستی و ئاین پەرستیەکانە و ئانەیچ وزیان ڕووە، "جە ماوەی ویەردەنە تالیبان زیاتەر فشارەکێش وستێنۍ سەروو ژەنا. ماف و شکۆو ژەنا پاشێل کەرۆ، ئاڎێش یانەنە زینڎانی کەردێنۍ، سەرپۆششا سەرەرە سەپنۊ و ئانۍ کە مەلا چێروو باری زینڎانی کریا.
ژەنا ئەفغانستانی سەرەڕاو گرڎوو ئانیشا پێسە هامڕەگەزەکاشا جە جەهانەنە جە ۋەران ۋەروو زینڎانی، تنووتیژی و هەڕەشەکانە ۋێڕاگری کەرا.
پەیوەنڎیی بەینوو گەلا کوردی و ئەفغانی تەنیا ئێشی هامبەش نییا، پەیوەندی ئێمە مدرامانوو پاگیری هامبەشا. هێز جە واڵە کوردەکاما هۊرگێرمۍ، کە شان بە شانوو هامڕا پیایەکاشا گژیا.
'عەبدوڵا ئۆجالان هێزوو فاڕیای و هۊرچەرخنایش وست ڕووە'
جمیەروو ژەنا نمونەو قەرارداریۍ بەقوەتوو ژەناش ئێرانەنە نیشانەدا و چنڎین تەنگوچەڵەمێش ماڵێرە.
رابەرایەتی بەڕێز ئۆجالانی بەرش وست کە ژەنا خاوەن هێزوو فاڕیای و هۊرچەرخنای ۋێشا و گلێرگەینۍ.
پۍ ڕێز ۋنەگێرتەی جە هامڕایاما جە زینڎانەنە و یاڎ کەردەیۆ ئا قارەماناما کە ژیۋایشا جە دەسدان، تا ئازاڎیی و دادپەروەری خاکەکەمان چەسپیۆ، مشۊم ئێمە درێژە بە ئەرکوو ۋێما بڎەیمۍ. جە دژوو ئیمپریاڵیزمی و ئایینپەرسی توندڕەوانەی مشۊم ئێمە هێزوو ۋێما یۊ وزمۍ، پێسە شۆڕشگێڵنا و جەنگەوانا مشۊم ئێمە جە دژوو ئەرەگیری، دوژمنایەتی ۋەران ۋەر بە ژەنا و نادادی، یۆ گێرمۍ.
بە هامپەشتی متاومۍ ئاینڎێوە دوور جە زینڎانی و ئەشکەنجەی بنیاڎ بنیەیمۍ".
