ئه‌ر و داغ وازشا جە چالاكیی مانگێرتەی جه وارڎەی ئارد
بنەیانە‌كاو مه‌زڵوم داغی و عه‌بدولڕه‌حمان ئه‌ری ئەرەیاوناشا، دماو ئانەی داواكاریی ڕۊڵه‌كاشا جه ٦٥ه‌مین ڕۊو مانگێرتەیه‌كه‌یشا بەیاگۍ یاویا، ڕۊڵه‌كێشا دماییشا ئارد بە چالاكییه‌كه‌یشا.
بنەیانە‌كاو عه‌بدولڕه‌حمان ئه‌ری و مه‌زڵوم داغی، كه ساڵەو ٢٠١٩ گیریێنۍ و زینڎانوو هه‌لێرینە زینڎانی کریێنۍ، ئەرەیاوناشا کە چالاكیی مانگێرتەی جە وارڎەی كه ڕۊڵه‌كێشا ڕۊو ١٨ی ئایاروو ئێساڵیوه دژوو پاشێلكەرڎەی مافه‌كاشا و ئه‌شكه‌نجه‌دای ده‌سشا پەنە کەرڎەبۍ، دماو بەیاگەیاونایشا دماییشا پەنە ئارد.
قورده‌ت داغ، ئەداو مه‌زڵوم داغی كۊنگرێوە ڕۊنامه‌وانینە شاروو هه‌ولێرینە ئەرەیاوناش، ئادۍ پەی ئانەی شۊنەو ته‌ندروسی و ژیوای كوڕه‌كه‌یشارە بلا، ئامێنۍ پانیشتوو کوردسانی و واتش: مانماڕایشا پەیاما مایۍ دڵوەشیین.
واتیچش: داوا جه لایه‌نه په‌یوه‌ندیداره‌كا و گه‌لوو كوردی کەرمۍ، بلا شۊنەو دۊخی ته‌ندروسی و ژیوای ڕۊڵه‌كامارە و ڕا نه‌دا جارێوە تەر مافه‌كاشا زینڎاننە پاشێلۍ کەرا.
لاو ویچشۊ شاهین ئه‌ر، تاتەو عه‌بدولڕه‌حمان ئه‌ری چا بارەوە واتش: دماو ئانەی مه‌زڵوم و عه‌بدولڕه‌حمان، پەی ماوه‌و ٦٥ ڕوا دژوو پاشێلكاری و فشاری مانشا جە وارڎەی گێرت، ئیساتۍ دۊخوو ته‌ندروستییشا خاس نییا. پەوکای پەیما یاگۍ وەشحاڵیین، كه مانەکەشا ماڕان.
شاهین ئه‌ر ئانەیچش وست ڕووە، وەعدما دریان پەنە، كه داواكارییه‌كاو ڕۊڵه‌كاما بەیاگۍ یاونیا. پەوکای سپاسوو گردوو لایه‌نه سیاسییه‌كاو پانیشتوو كوردستانی کەرمۍ، كه هامكارێما بێنۍ.
هه‌رپاسە حامید داغ، مامۊو مه‌زڵوم داغی واتش، چەنی ده‌سەو سه‌ربه‌وۍ مافوو ئینسانی و ڕاوێژكاروو وه‌زیروو هەرمانوکاری كۊمه‌ڵایه‌تی كۊ بییەنۊ، واتیچش: به‌شێوە جە هێز و لایه‌نه سیاسییه‌كا پەشتیوانییشا جە بەیاگەیاونای داواكارییه‌كاو ئه‌ری و داغینە كەرڎەن.
س.ز
