ئەکین بیردال بانگەوازییەکەو ڕابەر ئاپۆیش هۊرسەنگنا و واتش: "پەنەوازا پەرلەمان و گلېرگەی مەدەنی نەخشەڕێوە ئاماڎە بکەرا. مشۊم گلېرگێوە سەرو بنەماو مافەکا مرۆڤی، هاموڵاتیبیەی یەکسان و ئازاڎ ئەرەمەرزنۆ".
شاندو ئیمراڵی دماو دیڎاریش چنی ڕابەر ئاپۆی ئیستەنبوڵنە پەیامەکەو ڕابەر ئاپۆیش ئەرەیاۋنا. ڕابەر ئاپۆ جە پەیامەکەشەنە سەرنجش وست سەرو کەردەیۆ ڕاو دیموکراتیکی، واڵەو-برایەتی گەلا و داواش جە پەکەکەی کەرڎ چەکەکاشا بنیارە.
مافپارێز ئاکین بیردال بانگەوازەکەو ڕابەر ئاپۆیش هۊرسەنگنا و واتش: "پەی من ئۆجالان ئیتر قسۍ ۋێش کەردێنە. جە ئیساتێوە ئیتر کار و قسەکۍ دۊڵەتی گرنگێنۍ. بێگومان ئارۆ ڕوێوە تاریخیا. سەرەتێوەن. مشۆم دلۍ پەرلەمانی و گلېرگەی مەدەنیینە نەخشەڕێوە ئاماڎە بکریۆ. پەنەوازا گلېرگېوە سەرو بنەماو مافەکا مرۆڤی، هاموڵاتیبیەی یەکسان و ئازاد ئەرەمەرزیۆ. پېسە مافپارێزنا ئانە ٤٠ ساڵېن شایەتۍ ئی پڕۆسەینمۍ. مشۊم ئیتر چەک بەکارنۍ. مشۊم پڕۆسەو دیالۆگی و ئەرەنیشتەی دەس پنە بکەرۆ و ئینەیچ مشۊم جە دڵ و بە باوەڕۆ بۆ. مشۊم دۊڵەت هەنگامەی پەنەوازە بنیۆ. پېسە گەلی و ئاشتیوازا ئانەی گنۆ سەرو ئێمە جابەجێش مکەرمۍ. جە ئیسەنبوڵ و ئیزمیرنە پەی پڕۆسێوە پی جۊرەیە کۊشش مکەرمۍ. ئینایمۍ سەرو جوگرافیێوە زامڎاریۆ. پەی ئانەی ۋێما چی ئێشیە ڕزگار بکەرمۍ، مشۊم گرڎما ۋەرپرسیاری ۋێما جابەجێ بکەرمۍ".
