ساکینە جانسیز (سارا)، فیدان دۊگان (ڕۊژبین) و لەیلا شایلەمەز (ڕوناهی)یە، پاریسنە ٩ کانوونوو دووەمی و سەڤیر دەمیر، فاتمە ئۊیار و پاکیزە نایرە، کە بەینوو ساڵاو ٢٠١٥ و ٢٠١٦ مەنتێقەو سلۊپیینە کۊکوشۍ کریۍ ئێلح-نە یاڎۍ کریێوە. مەراسیموو یاڎکەردەیۊکەی کە لاو پارتوو یەکسانیی دیموکراسیی گەلا (دەم پارتی) و پارتی دیموکراتیکوو هەرێمەکا (دەبەپە)یۊ کریا و خەیلۍ ژەنی بەشدارۍ مەراسیمەکەی بێنێ.

مەهدیە دەمیروە هامسەرۊکەو دەبەپەو ئێلحی مەراسیمەکەنە قسێش کەردۍ و واتش: " دەسوو ئێمەنە ڕۊشنایێوە هەن، کە تاریکی ڕۊشن کەرۊوە، هامڕێما کە تاریکی ڕۊشن کەراوە هەنێ، وەعد مدەیمۍ دژوو ستەمی مردمێوە".

مەهدیە پێسە دماییش بە قسەکاش ئارد و واتش: "ئێمە جارێوە تەر، ئەوەخوایش کەرمێوە، دژ پی سیاسەتە قێزەونەیە، کە هەوڵۍ مدۊ ئی کۊکوشییە شارۊوە بەردەوامۍ بیمێ. زیهنیەتی بکوش و دوژمنایەتیی ژەنا شەرمەزار کەرمێ".

'جە ژەنا تەرسا، مدرامانی بەردەوام کەرمێ'

پەرلەمانتاروو دەم پارتی زەینەب ئۊدونجییە واتش، چاوەختۊ باسوو ئاشتی کریێ، کۊکوشی کریا و واتش: "دوای کۊکوشی پاریسنە، کوردستاننە قەدەغەو هاموشۊی ئەرەیاونیا و دلۍ کۊڵانەکانە کۊکوشی کریا. دەوڵەتێوە کە پاریسنە گولێش نیا ئاشتییوە، هجوومش وەراوەروو ژەنا کەرد چونکوم جە ژەنا تەرسۊ. جە کۊشیای ژەنا تەرسا.  دژوو گردوو هجوومەکا مدرامان کەرمێ".

چالاکیەکە بە دروشموو "ژەنی، ژیوای، ئازاڎی"ی دماییش ئاما.