جە حەر دۋە شارو بەرلینو ئەڵمانیای و مارسیلیاو فەڕەنساینە، ١١ەمین ساڵیاڎو ئاخېزو ۋەرنیشتی به ئه‌نجامدای چالاكی مبارەک کریا و چنەشەنە ئەرەیاۋیا، ئاخېز به فه‌لسه‌فه‌و "ژەنی، ژیای، ئازاڎیی" بۊ بە سه‌رچەمەو هیوای پۍ گرڎوو مرۆڤایه‌تی.
بەرلین/ مارسیلیا
جە شارو به‌رلینو پایته‌ختو ئه‌ڵمانیای، به ئه‌نجامدای ڕاپیمایۍ و جە شارو مارسیلیاو فه‌ڕه‌نسایچ به سه‌كۆ و نمایشگېۋە ۋێنەی، ساڵیاڎو ئاخېزو ۋەرنیشتی پیرۆز كریا.
به‌رلین
جە شارو به‌رلینی، گه‌نجۍ ئینته‌رناسیۆنالیستۍ جە مېڎانو ئۆرانه‌نپلاتزی کۊبیېۋە و ١١ه‌مین ساڵیاڎو ئاخېزو ۋەرنیشتیشا مبارەک کەرڎ و به مەڵامەتو بێده‌نگی ڕایگرڎی میان نه‌ته‌وه‌یی ۋەران ۋەر بە هجومەکا ده‌وڵه‌تو توركی، ناڕه‌زایشا بەربڕی.
گه‌نجا ئینته‌رناسیۆنالیستی به ۋاتەیۊ دروشمەو "ۋەرنیشت هیوان"، ڕاپیمایشا ئه‌نجامدا و فرېۋە جە هاموڵاتیا كورڎیچ پاڵپەشتیشا ۋنەکەرڎۍ.
جە قسەکا ڕاپیماکەینە ئەرەیاۋیا: ئاخېزو ۋەرنیشتی به سەرمەشقی ژەنا، كاریگه‌ریېۋە رێنیسانس ئاساش جە ۋەرکەوتوو میامینینە ۋەشکەرڎ. ژەنی ۋەرنیشتی سەرو ئەساسو فه‌لسه‌فه‌و ژەنی ئازاڎۍ، گلېرگېۋە ئازاڎ، به پاگیریۍ فرۊ سەرمەشقی ئاخېزیشا کەرڎ. ئاخېزو ۋەرنیشتی كه چنەشەنە فه‌لسه‌فه‌و "ژەنۍ، ژیای، ئازاڎیی" ڕابەر ئاپۆی به كردار کریان، جە ١١ه‌مین ساڵیاڎشەنە، بی بە سه‌رچەمەو هیوای پۍ گردوو مرۆڤایه‌تی".
ڕاپیماکەی به ۋاتەیۊ دروشمه‌كا "ژەنی، ژیای، ئازاڎیی" و "بژیۋۊ مدرامانو ۋەرنیشتی" و دمای گېڵنای زەماۋنۍ و هۊرپڕای، دمایش پنە ئاما.
مارسیلیا
شارو مارسیلیایەنە، ساڵیاڎو ئاخېزو ١٩و ته‌مووزی به سەرمەشقی ئه‌نجومه‌نو ژەنا ئارین میركانی و ته‌جه‌شەی جە مېڎانو لاپلانی به کەرڎەیۊ نمایشگېۋە ۋێنەی پیرۆز كریا، هاموەخت سەکۋېوەیچ به لافیتۍ یه‌په‌گه/یه‌په‌ژه‌ی، ۋێنۍ ڕابەرو گه‌لوو كورڎی، عه‌بدوڵا ئۆجالانی و لافیته‌و "مشۊم ئاسمانو ۋەرنیشتی ڕووەو فرۆكه‌كانە وزیۊرە" ڕازییاۋە.
چالاكییه‌كه به دەیەقېۋە ڕێزگېرتەی جە گەشمەرڎا ئاخېزی دەسشپنەکەرڎ و هونه‌رمه‌نڎۍ ته‌ڤ-چاندی به‌شڎاریشا چنە کەرد و به‌نامۍ ته‌جه‌شه‌ی و ئه‌نجومه‌نو ژەنا ئارین میركانیۊ قسۍ کریۍ.
جە چالاكییه‌كه‌نە داوا جە گرڎ لایۍ کریا، بەشڎاری جە ڕاپیمای و گلېرۊبیەی جەماوەری ٢٢ۍ تەمووزی کەرا، کە بۊنەو ١٠٠ه‌مین ساڵەو پەیماننامەو لۆزانیۊ ملۊڕاۋە. حەرپاسە ده‌سنیشان كریا، کە پاسەکۍ تایبه‌ت به ڕاپیماکەی ڕۊو ٢١و ته‌مووزی، سەعاڎ ٢٣:٠٠ جە ناوەنڎو گلېرگەی دیموکراتیكی کورڎی جە مارسیلیا گنا ڕا.
هـ . ش
