پارێزنەر و یاساشناس محەمەد جەواد یەڵماز سەبارەت بە مافو هیوای و قەرارەکا دادگای و مافەکا مرۊڤو ئۆرووپای پێوەس بە ڕابەر ئاپۆی قسېش پەی ئاژانسو هەواڵوو فوراتی کەردۍ.

'مافو هیوای پېوەس بە یاساو جابەجێکەردەی سزۍ، مژارێوە گرنگا'

محەمەد جەواد یڵماز ئانەش وست ڕووە کە پارێزگاری کەردەی جە هیوای یۆ جە گرنگتەرین مافەکا هیوایا جە زینانەنە و واتش، "بە پاو یاساو سزادای تورکیای قورستەرین سزێوە کە سەرو هەر مرۆڤێوەرە سەپیۆنە، سزاو زینانی هەتاهەتایین. وەڵتەر قورستەرین سزا، جە قەنارەدای بۍ. بەڵام بە پاو یاسای کەسێوە کە سزاو زینانی هەتاهەتاییش پەی بڕیانۆ، متاوۆ دماو ٣٠ ساڵا ئیسفاڎە جە مافو ئازادبیەی مەرجداری هۆرگێرۆ، بەڵام بە پاو ماددەو ١٠٧/١٦ جە چوارچێوەو 'تاوانەکانە جە دژو یەکپارچەیی دۆڵەتی و دەستوری هەمیشەیی' سزادریایا نمەتاوا ئیسفاڎە چا ئازادبیە مەرجدارەیە هۊرگێرا. واتە ئانۍ تاوانەی پا جۆرەشا کەردەبۆ نمەتاوا ئیسفاڎە جە ئازادبیەی مەرجداری هۊرگێرا. ئانەیچ بۆ بە مایۍ ئانەی ئا کەسە تا دمایی ژیۋایش جە زینانەنە مەنۆوە."

'دادگاو مافەکا مرۆڤو ئەوروپای جەخت جە کارکەردەی بە مافو هیوای پەی گرڏو سزادریایا مکەرۆوە'

جابارۆ قەرارو دادگاو مافەکا مرۆڤی ئەوروپانە سەرو مافو هیوای یڵماز واتش، "بە پاو دادگاو مافەکا مرۆڤی ئەوروپانە زینانیێ و سزادریێ مشۆم بەردەوام هیواو ئازادبییەیشا بۆنە و چەسپناو ئا مافو هیوایە پەنەوازیش بە گێرتەی وەرو ڕێکارەکا هەن. هەرپۆکەی قەرارەکا دادگای جەبارەو تورکیای فرە گرنگنگێنێ. یوەم قەرار پەیوەسبێ بە ئێژا ئۆجالانی. ئا قەرارە جە بارەو هەلومەرجو دلێ زینانییەکا تورکیای هۆشداریێ تنو و جددی بێ. دادگاو مافەکا مرۆڤی جەڕاو ئا قەرارا ئەرەیاوناش، کە مشۆم مرۆڤەکێ هیواو ئازادبییەیشا جەدەس نەرا'.

'قەرارو دادگاو مافەکا مرۆڤی ئەوروپانە جابەجێ نەکریێنێ'

یاساناس و پارێزنەر یڵماز ئەرەیاوناش، کە تورکیا تائیسە قەرارەکێ دادگاو مافەکا مرۆڤو ئەوروپایش جابەجێش نەکەردێنێ و تائیسەیش یاساونسزادای ئا خاڵ و بڕگێ دلێشەنە مەنێنێ کە مافو هیوای وەرچەم مەگێرا  واتش: "سەربارو ویەردەو ١١ ساڵا سەرو قەرارەکا دادگاو مافەکا مرۆڤو ئەوروپای، تائیسە تورکیا حیچ فاڕیێوەش جە یاساو سزاداینە ئەنجام نەران. دیارا ئانەی گرنگا ئانەن کە تورکیا جە یاساکاشەنە جیاکاریش مابەینو جۆرەکا تاوانی مکەرۆ.، بەڵام ئەر کەسێ بە تۆمەتو کوشتەی سزاو زینانی هەتاهەتایی پەی بڕیۆوە، متاوۆنە ئیسفادە جە ئازادبییەی مەرجداری هۆرگێرۆنە. ئا دۆخە بە پێچەوانەو پێودانگو یەکسانی یاساکا سزاداین".

'گۆشەگیری جە دژو شکۆو مرۆڤایەتین'

سەبارەت بە گۆشەگیری جە ئیمراڵینە یڵماز واتش "گۆشەگیری بە دڵنیاییۆ دژو یاساین، دژو شکۆو مرۆڤایەتیا. دادگاو مافەکا مرۆڤو ئەوروپای ئەرەیاوناش کە راگێرتەی ئۆجالانی بە تەنیای جە زینانێنە شێوێوەن جە ئەشکەنجەی. بەتەنیا ڕاگێرتەی و ئەرەبڕییەی دژوارترین جۆرو گۆشەگیرییا. بەتەنیا ئاستەیۆ مرۆڤێ جە زینانە و پچڕاناو پەیوەندییەکا بە جەهانو چبەری، بە واتاو پاشێلکەردەو مافەکا مرۆڤین و ڕاگیری جە وەرڵاکەردەیۆ فکرەکاشا چبەرۆ بە پاو ماددەو ٣ی دادگاو مافەکا مرۆڤو ئەوروپای پاشێلکەردەو قەدەغەکەردەو ئەشکەنجەی مامەڵێوە خراپا. مشۆم وەراوەرو کردەوێ چا جۆرەی ئەرەکۆشای کریۆنە.

'مشۆم دەمودەس فاڕیای و هەموارکەردەیۆ یاساکا بە پاو مافو هیوای دەستوبردش چنە بکریۆ'

یڵماز ئانەش وست ڕووە کە هەموارکەردەو یاساو سزادای بە پاو مافو هیوای مشۆم دەستوبرد و پەلەش چنە بکریۆ و واتش، "مشۆم یاسا مەرجدار نەکریۆ و کاتو لوای شۆنیرە پەی دۆسییەو هەر سزادریێوە، مشۆم مافو هیواو کەسەکەی وەرچەم بگیریۆنە".