ناوەندوو ئەرەیاونای و چاپەمەنیی هەپەگەی ئەنجاموو ئۊپراسیۊنی شۊڕشگێڵنانەو گەشمەرڎە هەڵمەت دێرەلۊکیش ئاشکرا کەرد. هەپەگە واتش:" ١٢ کانوونوو دووەمینە هێزەکێما ئۊپەراسیۊنی شۊڕشگێڵنیی گەشمەرڎە هەڵمەت دێرەلۊکیشا دژوو ئەرەگیرا زاپنە کەرد". ئۊپراسیۊنی شۊڕشگێڵنیینە لاو کەمیوە ٦١ ئەرەگیرۍ سزا دریێنۍ، ٤ ئەرەگیرۍ بریندارۍ بیێنۍ و دەس ملوو چەک و کەرەسەی سەروازیی فرەیرە گیریان و بنکە و بارەگاکێشا سۊچیێنۍ و دلێنە بریێنۍ. ئۊپەراسیۊنەکە بە سەرکەوتەیی کریان. ئۊپەراسیۊنی شۊڕشگێڵنیی گەشمەرڎە هەڵمەت دێرەلۊک گورزێوە قورسش جە سوپاو ئەرەگیرەو تورکیای شانا و ڕژێموو فاشیستیی ئاکەپە-مەهەپەیش وست لەرزنای. ڕژێمی فاشیستی ئاکەپە-مەهەپەی و میدیاو جەنگی تایبەتوو وێش پەی ئانەیە شۊکوو گورزوارڎەی و شکسەکەش و جە ڕای گردینی بشارۊوە. هەمان وەختەنە زەمین و ئاسمانۊ هێزەکاما بۊردومان کەرۊ و پێسە بانگەشەو ئانەیە کەرا، کە زەرەرێوە فرەشا بە هێزەکاما یاونان. وەلۍ ئانە کە ڕژێمی فاشیستی ئاکەپە-مەهەپە و کاربەدەسەکاو سوپاو تورکی واتەنشا تەمام دوورا جە ڕاسییوە. جە درێژەو ئۊپراسیۊنی شۊڕشگێڵنیینە بەتایبەت ڕووەکاو دماینە هامڕێما ڕزگاریی یارایانەشا کەرد و گەشمەرڎۍ بیۍ. جگە چی هامڕایاما حیچ زەرەرۍ تەرما پەنە نەیاوان. زانیاریی ورد سەروو شناسنامەو دووە هامڕاکاما دماتەر پەی گەلە وەڵاتپارێزنەکەیما و ڕای گردینی وەڵا کەرمێوە".

هێزەکاو گەریلای هەمان وەختەنە ئەرەگیرێشا کەرڎۍ ئامانج و لوۍ سەروو جەنازەو ٢٠ جە سزاڎریایەکا

هەپەگە سەبارەت بە چالاکییەکەی و هجوومەکاو سوپای ئەرەگیرەو تورکی ئی زانیاریێشە ئەرەیاونێ:

"هەرێموو وەرنیشتوو زاپوو گەشمەرڎە دەلیلی؛

ڕۊو ١٢ کانوونوو دووەمی، سەعات ١٧:٠٠، ئۊپەراسیۊنی شۊڕشگێڵنیی گەشمەرڎە کاوە دێرەلۊکی دژوو ئەرەگیرا هەرێموو مدرامانوو کەشوو ئامێدی-ینە کریا. هێزوو ئۊپراسیۊنی شۊڕشگێڵنیی وەڵێکەوتەما ئەوەڵ گردوو ئا ئەڵغاما، کە ئەرەگیرۍ دەوروو وێشانە نیێبێنیشا چەنی کەرەسەی سەروازی و تەلبەند دلێشانە بەرد. ئۊپراسیۊنی شۊڕشگێڵنی بەتەمامەتی بە دەسوەڵێوزیی هێزەکاما بە تاکتیکی تازە هجووم و ڕێکوستەیوە ئەرەگیرێش کەرڎۍ ئامانج. گردوو ئەرەگیراو هەرێموو مدرامانوو کەشوو ئامێدی کریۍ ئامانج و چاگە ماڵیۍ. هێزەکاو ئۊپراسیۊنی شۊڕشگێڵنیی لوۍ سەروو جەنازەو ٢٠ ئەرەگیرە سزاڎریایا. هێزەکێما بە چەکی قورس و نیمچە ئۊتۊماتیکی و تاکەکەسی بە شێوێوە کاریگەر گرد لاێوە داشا ملوو ئەرەگیرارە و دلێشانە بەرڎۍ. هێزەکاو ئۊپراسیۊنی شۊڕشگێڵنیی وەڵیکەوتێما دەسسا ملوو ٤ ڕومانە دەسییا و ڕومانەورگیرێوە و گولەکاشرە گێرت و دژوو ئەرەگیرا بەکارشا ئارڎۊ، بە چەکوو دوژمنی دریاوە وێش. بەرکەوت چی ئۊپەراسیۊنە شۊڕشگێڵنییەنە ٦١ ئەرەگیرۍ سزا دریێنۍ و ٤ ئەرەگیرێچ بریندارۍ بیینۍ. بە هەمان شێوە وەنەو خەیمەکاشا دریا، وەلۍ ژمارەو سزاڎریایا ڕۊشن نیا، چی ئۊپەراسیۊنە شۊڕشگێڵنییەنە هێزەکێما ٦ یاگۍ و بنکۍ ئەرەگیراشا کەرڎۍ ئامانج، ٣ کۊنتێنەرۍ، ١١ سەنگەرۍ، ٢ یاگۍ لۊجستیۍ، حەشارگۍ تەقەمەنی، سیستمۍ بێتێلۍ، جەنڕاتۊرۍ، سیستمۍ ڕاداری، کامێرۍ مۊبێسۍ ئاسایی، کامێرۍ مۊبێسی گەرمییۍ، 2 دەمانچۍ A4، 2 چەکۍ بۊمبشانۍ و ٦ مۊبایلێشا دلێنەبەرڎێنۍ. چا ئۊپراسیۊنە شۊڕشگێڵنییەنە هامڕێما سەرخوەبون و ڕزگار بە ڕۊحی فیداییانەی ئاپۊییوە، یارایانە گژیۍ و گەشمەرڎۍ بیۍ. جگە جە دووۍ هامڕایاما حیچ زەرەرێوە تەرما نەبۍ. چی ئۊپەراسیۊنە شۊڕشگێڵنییەنە ئا چێوۍ دەسۍ کەوتێنێ؛ ٧دەمانچۍ تاکەکەسیۍ MPT-55، ٢٥٠ گولۍ MPT-٥٥، ٤ ڕومانۍ تەپڵۍ،١ ڕومانەورگیر، ٢ دەمانچەی نیمچە ئۊتۊماتیکی BKC، ٢٠٠ گولە دەمانچۍ نیمچە ئۊتۊماتیکۍ BKC، 5 دووروینۍ گەرمیۍ، ٧دووروینۍ شەوۍ، ٢چەکۍ لەیزەرۍ، 5 سکۊپیۍ چەک و ئامێرێوە ئامانجکەرڎەی چەکی و ٢ ئامێرۍ پەیوەندی و پاترییێوە یەدەک و ٢ ئامێری ڕۊشنایی و ٢ چەقوۍ و 3 ڕومانۍ دوکەڵۍ و ٥ پاتریۍ دووە چەمۍ گەرمیۍ دووروینۍ و ٣ هێلەکۍ هجوومبەرڎەی و ٢ پارکایۍ سەروازیۍ و 2 هێدفۊنۍ گیریۍ.

گەریلاکاو یەژاستاری چالاکییشا کەرد

هەرێموو زاپی:

١٣ کانوونوو دووەمی جە سەعات ١٢.٠٠ بە چەکی گران جە مەیدانوو مدرامانوو گەشمەرڎە ئیبراهیمینە گورزێوە وەنەو ئەرەگیرا دریا و سەنگەرێوە تێک دریا. ئی چالاکییە هێزەکاو یەژا ستاری کەرد.

هجوومەکۍ کە سوپاە ئەرەگیروو تورکی کەردشا:

لە ١٢و ١٣ی کانوونوو دووەمی بە فڕۊکەی جەنگی، مەیدانوو کەشوو زەنگلی، شیای هەرێموو گارا ٤ جارۍ، مەیدانوو سنینی، خنێرای سەرینی و ئاوەو لۊلانی هەرێموو خواکوڕکی ٥ جارۍ، مەیدانوو مدرامانوو کەشوو بەهاری هەرێموو وەرنیشتوو زاپوو گەشمەرڎە دەلیلی ٧ جارۍ، مەیدانوو بێشیلی و سەروو مەتینای هەرێموو مەتینا ٢ جارۍ، مەیدانوو بالایانی و بۊبلیسکاو هەرێموو قەندیلی ٥ جارۍ، بە گردیوە ٢٣ جارۍ بۊردومانۍ کریۍ. ئەنجاموو ئی بۊردومانانە حیچ زەرەرێوەما نەبییەن.

هەرێمەکاو زاپ، وەرنیشتوو زاپوو گەشمەرڎە دەلیلی، مەتینا و خواکوڕک بە تۊپۍ بۊردومانۍ کریۍ.