ئەنجومەنو گەلا دیموکراتیکی ئیدارەو ۋێڕاوەبەری دیموکراتیکی هەرێمو سەرنیشت و ۋەرکۊتوو سوریای دەربارەو 'هۆرکەردەی ئاڵاو سوریای' ئەرەیاۋنێوەش وەڵا کەرڎۆ و مبارەکبایش جە گەلاو سوریای کەرد بە بۆنەو دمایئامای بە ڕژێمو ئەسەدی.

جە ئەرەیاۋناکەینە ئاماژە پانەی کریان بەمەڵامەتو ئامای ئارای فاڕیایە تازەکاوە، کە ئیدارەو ۋێراوەبەریچ بەشێوەن چنەش، ئەنجومەنو گەلا دیموکراتیکی قەرارش دان جە تەمامو ئیدارەو ۋێڕاوەبەرینە ئاڵاو سوریای هۆربڎریۆ.

جە ئەرەیاۋناکەینە ئەنجومەنو گەلا پابەڼ بیەی ۋێش بە نوێنەرایەتیکەردەی تەمامو پێکئامایەکاشۆ واوەی کەردەنۆ و ئامان: "ئەنجومەنو گەلا دیموکراتیکی پابەڼبیەی ۋێش بە نوێنەرایەتیکەردەی داواکا گرڎو پێکئامایەکا گەلوو سوریای و هەرمانکەردەی پەی هێقم کەردەی یۊبیەی نیشتمانی جە چوارچێوەو سوریای دیموکراتیکینە سەرو بنەماو دادپەروەری و یەکسانی بەینو گرڎو پێکئامایەکا واوەی مکەرۆوە."