ناوەنڎوو ئەرەیاۋنای و چاپەمەنی هەپەگەی زانیاری ۋەرفراوانش جە بارەو ئۆپراسیۆنی شۆڕشگێڵنیی زاپی ئاشکرا کەرد.

ئەرەیاۋناکەی پی جۊرەنە:

"١٧و شوباتی سەعات ١٢:٥٠دەیەقۍ جە مێڎانوو مدرامانوو کەش و جودینە جە هەرێموو گەشمەرڎە دەلیلی جە ۋەرنیشتوو زاپی، جە دژوو ئا ئەرەگیرا کە جە مێڎانێوە سەرەکی بارەگاکەینە بنەشا وستێبۍ، ئۆپراسیۆنی شۆڕشگێڵنیی گەشمەرڎۍ دۆغا ڤیانۍ ئەنجامدریا. جە ئۆپراسیۆە شۆڕشگێڵنیەکەنە کە بە تاکتیکوو هجومبەردەی دەسشپنەکەرد، جە چنڎین قۆڵێوە جە سەنگەرەکا دوژمنی دریا، سەنگەرەکۍ کۆنترۆڵکریۍ و دلێنەبریۍ. هێزوو پڕۆفیشناڵی ئۆپراسیۆنەکەی کە بە گیانی فیدایی ئاپۆیی لووۍ سەروو دوژمنی، بە خێرایی مێڎانوو بارەگاکەیشا جە دوژمنی پاککەردۆ، لووۍ سەروو جەنازەو ئەرەگیرا و دەسشا گێرت سەروو چەکەکاشارە. دماو ئانەی نارنجۆکشان، رۆکێتی بی-٧و ئەرەگیرا دەسش سەرەرە گیریا، جە دژوو ئەرەگیرا بەکارئاماوە. چنی ئا چەکا کە دەسشا سەرەرە گیریا، کەلوپەلوو ئەرەگیرا، چنی خێمۍ و کۆنتینەرەکا و مێڎانوو بارەگاکەی بە تەمامی ئاێرش پۊوە نریا.

گەریلاکاو ئازاڎیی کوردسانی کە لووۍ سەروو جەنازەو ئەرەگیرا، ئانەشا پۍ یەکلایی بیۆ کە ٣٧ ئەرەگیرۍ سزادریێنۍ. هاموەخت ئانەیچشا پۍ بەرکۊت کە فەرماندەکۍ واریچ کە یۊشا پلەو سەرپەلیش بیەن سزادریێنۍ. هێزەکێما دەسشا سەروو بڕۍ جە کەلوپەلەکا فەرماندەکاو ئەرەگیرارە گێرتەن.

ئا کەرەسە و کەلوپەلە سەروازیۍ کە دلێنەبریێنۍ

جە ئۆپراسیۆنی شۆڕشگێڵنیی گەشمەرڎۍ دۆغا ڤیانێنە ١٥ سەنگەرۍ، ٧ کۆنتینەرۍ، جبەخانێوە، ناوەندێوە پەیوەندییەکا، ناوەندێوە چەمڎاری، ٢ چەکۍ ئەی فۆرۍ، چەکێوە نارنجۆکشان، ٢ سیستمۍ راداری و ٥ کامێرۍ چەمڎاری حەراریۍ بە تەمامەتی دلێنەبریۍ.

ئا کەرەسە و کەلوپەلە سەروازیۍ دەسشا ملەرە گیریان

سەروو ئەرەگیرە بەسزایاویایارە ٨ چەکی ئێم پی تی- ٥٥ی کەسیێ، ٨ مەخزەنۍ چەکی ئێم پی تی-٥٥، ٥ چەکی ئۆتۆماتیکی بی کەی سیێ، لوولێوە چەکی ئۆتۆماتیکی بی کەی سی، ٣٠٠ فیشەکۍ بی کەی سیێ، چەکێوە نارنجۆکشانی یەکدننەیی، ٣ چەکی نارنجۆکشان، چەکێوە نیشانەماڕی نۆعوو بۆرای، مەخزەنێوە و کەلوپەلەکێش، چەکێوە بۆمبشانی بی-٧، ٢ چەکی پۆمپەیی، دەمانچێوە، ٨ کامێرۍ دورویندارێ، ٤ دوروینۍ شەوێ، دووروینێوە ڕۆی، ١١ دووروینێوە چەکی، ٢ ئامێرۍ دەستنیشانکەرڎەی، ئامێرێوە بێتەلی گەورە و پاترییەکەش، چوار ئامێرۍ بێتەلێ، ٢ نارنجۆکشانێ، ٣ لەیزەرۍ ئاماژەدای، ٣ کامێرۍ کەمیننیایرەی، ٢ پانێلۍ وزەو وەرەتاوی، ٢ کامێرۍ حەراریێ، ٧ پاوەربانکێ، تلیسکۆپێوە، باتریێوە بارگاویکەرڎەی، کڵاوۍ سەروازییە، ٢ هەستەوەرێ، ٣ تەلەفونۍ و جانتێوەرە گیریا.

گەریلێوە گەشمەرڎە بی

ئۆپراسیۆنی شۆڕشگێڵنیی گەشمەرڎە دۆغا ڤیانینە جەنگاوەری ئازای هامڕاما شەڕڤان کە بە ڕۆحی گیانبازانە بەشدارییش کەرڎەبێ، بە قارەمانێتی گژیا و گەشمەرڎە بی.

دەوڵەتوو تورکی دیسان دەسش بە دروا کەرڎەن

ئۆپراسیۆنی شۆڕشگێڵنیی گەشمەرڎە دۆغا ڤیانینە گورزێوە قورس وەنەو سوپاو تورکی ئەرەگیری دریا، زەرەی گیانیی فرەشا وەرکەوت، کەشەکەنە کە پێسە مەیدانوو بارەگای بەکارش ئارێنۍ گردوو هێزەکاشا بە فەرماندەکایچشاوە بەسزا یاونیێ، کەلوپەلە سەروازییەکێشا گیریێ، ئا کەرەسە و کەلوپەلێچە مەنێوە سۆچیۍ و دلێنە بریێ. سوپاو ئەرەگیرۍ سەرەڕاو ئانەیە زەرەی قورسی گیانییش وەرکەوت، پەی چندین سەعاتا قسێش نەکەردێ، دماییچ تەنیا واتش کە سەروازێوەشا کوشیان و یۆیچ بریندار بییەن. هەرپاسە بە دروێوە ئەوەڵ واتشا٦ و دماییچ باسوو ئانەیش کەرد، کە ٨ گەریلۍ گەشمەردۍ بیێنێ.

ڕای گردین و بەتایبەتی گەلاو تورکیای مشۆم بزانا کە چا ئۆپراسیۆنە شۆڕشگێڵنییەنە ٣٧ سەروازێ، کە بە پاو سیاسەتی جەنگەرانانەو ڕژێموو ئاکەپە-مەهەپەی فاشیستی و پەی بەرژەوەندییشا جە هەلومەرجوو زمسانینە ڕوانەو سەروو سەنگەرەکاو گەریلای کریێ، بەسزۍ یاونیێ. دەینوو ئانەیچ جە گەرڎەنوو ڕژێمی فاشیستی ئاکەپە-مەهەپەین، سەرباروو ئانەیە ڕاسییەکان شارۆوە، دروۍ جیاجیێچ کەرۆ، بەڵام ڕاسییەکە پاسنەن. کوردستاننە جەنگی قورس ئینا ئارانە، پێسە چەنی وەڵتەر بە بەڵگەوە ڕاسیی ئا جەنگەیە پەی ڕای گردینی ئاشکرا کریان، ئیسەتێچ پەی دمای بەڵگەکاو جەنگی وەڵۍ کریاوە. چا ئۆپراسیۆنە شۆڕشگێڵنییەنە بە پێچەوانەو بانگەشەکاوە ٨ گەریلێما گەشمەردۍ نەبیێنێ. هامڕاما شەڕڤان بە قارەمانێتیی گژیا و گەشمەرڎە بی. جگە چانەی حیچ زەرەرێوە گیانی و بریندارما نییا، ڕاسییەکە پێسەن.

ئۆپراسیۆنی شۆڕشگێڵنی جوابوو پیلانگێڵنین

ئۆپراسیۆنی شۆڕشگێڵنیی گەشمەرڎە دۆغا ڤیانی ساڵەو ٢٦مینە جوابوو پیلانگێڵنیی میاننەتەوەیی ١٥و شوباتین، کە پێسە ڕوی سیاوی لوا دلۍ تارێخوو گەلەکەیما. دژوو پیلانگێڵنی میاننەتەوەیی کە ئامانجش دلێنەبەرڎەی و سڕیەیۆ ڕابەر ئاپۆی و جمیەروو ئازاڎی و قڕکەرڎەی گەلوو کوردستانین، گەلەکەما، هامڕێما زیندانەکانە و گەریلاکاو ئازاڎیمانە بە مدرامانی گەورەی ٢٥ ساڵە پیلانگێڵنییشا بێئەنجام کەرڎەن. ئۆپراسیۆنی شۆڕشگێڵنیی گەشمەرڎە دۆغا ڤیان بەرش وست، کە ئا مدرامانە جە چە ئاستێوەنە بەرڎەوام بۆ. گەریلاکاو ئازاڎیی کوردستانی ساعیبوو ئەزموونی، قەرارداری و هێزی پێویستنێ، کە جە٢٦ەمین ساڵەو پیلانگێڵنی گرد هەرمانە و وەرپەرسییشا بیاونا یاگێ".