تۆڕەو مافەکاو ئینسانوو کوردسانی ڕاپۆرتەو پاشێلکارییەکاو هێزەکاو دەوڵەتوو ئێرانیش وەرکەوتوو کوردسانینە بەینوو ١-٣١ی ئابینە وەڵا کەردۆ.

تۆڕەکێ وەڵاش کەردۆ،کە مانگەو ئابینە لاو کەمیوە ١٤ کەسێ دریێنێ قەنارە، یۆشا ڕەزا ڕەسایی٢٥ ساڵە بێ، کە دماو مدرامانوو 'ژەنی، ژیوای. ئازادی'ی گیریابێ.

بە پاو ڕاپۆرتەی مانگانێ ئا ڕێکوزیایە ٢٦و ئابینە مۆبینا زەینیوەندی ١٨ ساڵ پارێزگاو ئیلامینە تاتەیش بە بەهانێ ئانەیوە کوشتە، کە گەرەکش بییەن شوو بکەرۆ بە پیێوە کە وەشش سیان.

هەرپاسە ئەرەیاونیا کە ماوەو مانگەو ئابینە ٢ کۆڵبەرێ کوشییێنێ و ٩ی تەرێچ بریندارێ بیێنێ.

ڕاپۆرتەکێنە ئانەیچ وزیان ڕووە، کە چا ماوەنە ١٧ کەسێ گیریێنێ، کە کەسایەتیی ئاینیشا دلێنە بییەن و دادگاکاو ئێرانی، سزای زیندانییەی جیاجیێشا بەینوو ٦ مانگ تا ٨ ساڵینە لاو کەمیوە پەی ٥ کەسا بڕیێنۆ.