ئەرەیاۋناکەو کۆردیناسیۆنو گرڎی یەرەدەی پی جۊرەنە:

"جە هرووژمو ٢٧و کانوونو دووەمینە کە دۊڵەتو ئەرەگیرو تورکی ئەنجامش دا، هەمڕای ئێژاما "عەزیز کۆیلوئۆغلو" گەشمەرڎە بی. سەرەوەشی جە بنەیانەی ئێژایش، کادرا ئەرەیاۋنای و گەلەکەیما مکەرمۍ. واوەی قەول مڎەیمۍ کە ئەوەکۊشای هەمڕا عەزیزی بەرزتەر مکەرمېوە و سەرکۊتەیش پنە بەخشمۍ.

بێگومان، هەمڕاما عەزیز وەرو ئانەی ڕووەو  حەقەتینەو دۆڵەتو ئەرەگیرو تورکیی قڕکەری ئاشکرا کەرێ، چی چوارچێوەنە ڕۆنامەنوویسێوە خاس و میلیتانێوە ئازادیی بێ وەر و وەشەویسی نیشتیمان کریا ئامانج و گەشمەرڏە کریا. ئانێ کە جە قەڵەم و قسەکا هەمڕا عەزیزی ناڕەحەتێ بێنێ، بە شێوێوە ترسنۆکانە هرووشمشا کەرد سەرش، پئ جۆرە گەرەکشا بێ دەنگی حەقەتیەنەی بێدەنگ بکەرا. بەڵام مشۆم بزانمێ کە هەمڕا عەزیز پێسەو ئانیشا وەڵێ وێش بە وەرچەم گێرتەو باجەکەیش بەشداری ئی کارەوانە بی، هەڵوێسو هەمڕا عەزیزی کە سەرش پەی دوژمنی نەنامنانەرە، هەڵوێسو گرڏو هەمڕا جوانەکاشا. ئی هرووژمێ نەتاواشا هەمڕا عەزیزی پەشیمان کەراوە و مەتاوانە ئێمەش پەشیمان کەراوە. بە پێچەوانە، ئارەزوو ئەوەکۆشایما گۆرەتەر مکەرا.
گرڏ کاتێ وەشەویسو گەلی
هەمڕا عەزیز جە ساڵەو ١٩٧٦ ئامەدەنە کە هێماو ئیرادەو ئازادی گەلەکەیمابێ، جە ئەڏێبی. جە بنەیانێوە نیشتمانپەروەرەنە گۆرە بییەن و جە تەمەنێوە کولانە حەقیقەتو دوژمنی فاشیست-ئەرەگیرو-قڕکەرش ئشناسان. جە وەراوەرو ئینەینە بە گرڏ شێوێ دلێ ئەوەکۆشای و مڏرامانینە بێ. جە سەرەتاو ساڵەکا ٢٠٠٠ـنە جە ئەرەیاونای ئازادینە یاگێ وێش گێرتە و جە پەیامگیان-کامێرامان هەتا سەرنوویسەری، ڕاوەبەرو هەواڵی و ڕاوەبەری گرڏی گرڏ هەرمانێوە ئەرەیاوناینە بەشداری کەرێ. هەمڕا عەزیز چی ئەرکانە بیی بە خاوەنو هەڵوێسێوە نموونەیی و هامبەشکەردەی و پەروەردەکەردەی هەمڕێکاش کەردەبێش فەلسەفەو ژیوای.بڕواما چانێنە پێسەو هەمڕا عەزیزی، ئانێچ کە هەمڕا عەزیزی پەروەردێ کەردێ  جوابی پەنەواز مڏوە بە دوژمنی بێبەش جە گرڏ جۆرە ئەخلاق و بەهێوە مرۆڤایەتی و ئایندەی ئازادما وزا چێرو گەرەنتییۆ.

هەمرا عەزیز جە هەولێرۆ تا سلێمانی و کەرکووک، چاکۆ تا مەخموور و گرڏو یاگەکا پانیشتوو کوردەسانی ئەوەکۆشایش بەرد ڕاوە. دیسان جە دێرکو وەرنیشتوو کوردەسانیۆ تا عەفرین جە گرڏ یاگێنە و جە گرڏ ئاستێنە هەرمانەی ئەرەیاونا و چاپەمەنی ڕاوە بەرد. هەمڕا عەزیز تەنیا نەنوویسێ، بەڵکوم بە هەمان ڕادە قسێش کەردێ و پەی ئاشکراکەردەو دوژمنی ئەرەگیری-دلێنەبەردەو گرڏو دەرفەتەکاش بەکارئاردێ. هەمڕاکەما کە هەرمانەو ڕۆنامە، ئاژانس، تەلەڤزیۆن و جە دمایشنە دیجیتاڵەنە چالاکانە هەرمانەش کەردێنە، گرڏ کاتێ باسو گرنگی هەرمانەو ئەرەیاونایش کەردێنە و جە ئەوەکۆشای دژو دوژمنینە دەورێ دیارش بە بوارەکەی بەروستەن.
بێگومان قەڵەم و هەمڕا عەزیزیما جە زەمینەنە مەمنۆوە و دەنگ-قسەکێش زیاتەر وەڵابۆوە. واتە، ژیوای ئازاد ی جو بنەماو پابەندبییەی بە ئامانجو هەمڕێیاش واتادار بۆنە و دروس بۆنە.
نەریتو چاپەمەنی ئازادیش ئیسپات کەردەن
نەریتو ئەرەیاونای کە جە مەزڵوومان، غوربەتەلییان، ئاپۆ موسایان سەرچەمەش هورگێرتەن و بە سەید، کاروان، ڕۆسیدا، گوڵستان، هێرۆ، نازم و جیهانی بە قەرارداریۆ بەردەوام بێ، بە گەشمەرڏەبییەو هەمڕا عەزیزی بەهێزتەر بییەن و نەماڕاو ئی نەریتەیە جارێوەتەر سەلمناشا.
دوژمنی فاشیست هەرچێوە بکەرۆ، پەنا پەی هەر ڕێوە نامرۆیی بەرۆنە، ئەنجام هورمەگێرۆ. هێزو ئاڏی بەشو ئانەی مەکەرۆ حەقیقەتی جە تاریکینە تاونۆوە. ئەرەیاونای ئازاد، پێسەو هیزی و ئارۆچ پێسەو عەزیز، جە عەزیزانی و گەشمەرڏا ئی نەریتەیە وەشش کەردەن فێرێ بیمێ و بە هەرمانکەردەی زیاتەر ئی نەریتەیە  تاجدار بکەرمێ.
بی بۆنۆ جارێوەتەر سەرەو بنەیانەو ئێژا هەمڕا عەزیزی، گرڏو ئەنداما یەرەدە و گەلەکەما ساغ بۆنە. قەولو وێما واوەی مکەرمێوە کە ئەوەکۆشایما بەرزتەر مکەرمێ."