ئارۊ، سەرۊککۊماروو دەوڵەتوو ئەرەگیروو تورکی، ڕەجەب تەیب ئەرڎۊگان، ئامادەیی وێش بەروست پەی کۊبییەیۊ چەنی بەشار ئەسەدی، وەلۍ کێشیایۊ هێزەکاش خاکوو سوریانە پێسە وەڵۍ مەرجوو کۊبییەیۊکا ڕەت کەرڎۊ و بە مەرجێوە "قبووڵنەکریا" داش قەڵەم.

وەڵۍ سەرڎایە یەرە ڕۊوییەکەیشنە پەی سعوودیەی و قەتەری و ئیماراتی، ئەرڎۊگان بە ڕۊنامەواناو ئیستەنبوڵیش وات: "تورکیا هەرگیز بەرەش نەوستەنرە، وەرڎەموو واتەواچەکانە  چەنی حوکومەتوو سووریای".

واتیچش "متاومۍ کۊبییەیۊی چوارقۊڵی بەسمۍ (چەنی سووریای و ڕووسیای و ئێران)ی، من ئامادەنا کۊ بووە چەنی ئەسەدی. گرنگ ڕێبازی ئەوانە بەرامبەرمان".

هەر چی چوارچوەنە، هیزی کۊنگریوە هامبەشی ڕۊنامەوانینە چەنی سەرۊکوەزیرانوو عێراقی، ئەسەد ڕەخنەش ئۊو تورکیای گێرت و واتش: "بڕۍ دەوڵەتۍ هامسۍ هەنۍ ڕاستەوخۊ تلیێنۍ چۊوە پەشتیوانیی تیرۊرینە، بە بەهانۍ دەسەڵاتیوە بۊ یان سەبەبوو مەزهەبی، هەرپاسە ئاڵنگاری گەورە دزیەی بەشوو سوریای و عێراقین جە ئاوەو دیجلەی و فوراتی، چەنی ئا ئاورایی و تەژناییە چی هەنگامێوە  کەوتەنۊ".

س.ز