ناوەندو چاپەمەنیی یەکینەکاو پارێزناو وەرکەوتو کوردستان (یەرەکە)ی شناسنامەو دووۍ گەریلایاش ئاشکرا کەرد، کە ئەنجامو هجومێوە عاسمانیی دەوڵەتو تورکی ئەرەگیرینە پەی سەرو هەرێمو پێنجوێنۍ گەشمەرڎۍ بیۍ.

ئەرەیاونایەکە پێسنەن:

"١١ تشرینو دوەم/ نۊڤەمبرو ٢٠٢٣ هەرێمو پێنجوێنێنە ئەنجامو هجومو فڕۊکە ئەرەگیرییەکاو تورکیاینە، هامڕێما بەرخودان کەڵهوڕ و ڕێدور باز، کە سەرەگەرمو پۊڕنای هەرمانۍ شۊڕشگێڵنیۍ وێشا بێنۍ، هجومێوە ناجوامێرانەنە گەشمەرڎۍ بێی.

زانیاری سەرو شناسنامەو گەشمەرڎەکا پێسنەن:  

نامۍ و دمانامێ: ئیسلام جەهانفەر

شناسنامێ: بەرخودان کەلهوڕ

وەخت و شۊنەو بەشداربییەی : ٢٠١٧- پێنجوێنە

وەخت و شۊنەو گەشمەرڎەبییەی: ٢٠٢٣- پێنجوێنە

 

نامۍ و دمانامێ: حەسەن سەبوری

شناسنامێ: ڕێدور باز

وەخت و شۊنەو بەشداربییەی : ٢٠٢٣- دەمبات

وەخت و شۊنەو گەشمەرڎەبییەی: ٢٠٢٣- پێنجوێنە

بەرخودان کەلهوڕ

ساڵی ١٩٨٠ لە بنەیانێوە وەڵاتپارێزنە شابادو کرماشانینە چەمێش کەرڎێنێوە.  سەربارو تەنگوچەڵەمەی و دژوارییەکاو ژیوای هەرگیز هومێدبڕیا مەبۊ جە ژیوای و ئا دژواری و مەینەتیۍ با بە هاندەرۍ پەی پەیجوری و گێڵای شۊنەو ژیوای ئازادیرە. جە زانکۊنە ڕاو وەنایۊ کتێبو "ئەوینی کورد"و ڕابەر ئاپۊیۊ جمیەرو ئازادی مشناسۊ و زیاتەر گێڵایەکاش شۊنەو ژیوایرە قووڵۍ کەرۊوە. شۊنەو شۊڕشو وەرنیشتیرە زیاتەر فکر و فەلسەفەو ڕابەر ئاپۊی مشناسۊ و زیاتەر پرسیارێش لاوە وەشۍ با. ساڵەو ٢٠١٧ بەشداریی دلۍ ڕیزەکاو گەریلاینە کەرۊ وئانەیچە پێسە ڕاس و دروستتەرین هەنگامەو ژیوایش مشناسنۊ. دەکات. پەی ماوێوەیچ  ڕووە کەرۊ وەرنیشتو کوردسانی و جەنگو دژو داعشینە ڕەنج و کۊشیای مدۊ. ژیوایشنە بە هەڵوێستی جە وێویەرڎانە، خاکەڕایانە و بۍ دووەدڵی بەشداریی هەرمانوکارەکا کەرۊ. بەرڎەوام لاو هامڕایاوە یاگۍ وەشەسیای  و ڕێزی بییەن.

هەڤاڵ بەرخودان کەلهوڕ ئا میراتەو پاڵەوانی و قارەمانێتی هەرێمو کەلهوڕی وەک شاهین داڵاهوو، ڕزگار زەڕنە، دیاکۊ کەلهوڕ و بە دەیان ڕۊڵۍ ئا هەرێمەیە دلۍ جمیەرو ئازادیینە گێرتەرە وەر و بی بە ڕاویارێوە ئا ڕۍ و جارێوە تەر ڕاسیی ئا هەرێمەیشە سەلەمناوە.

ڕێدور باز

هامڕاما ڕێدور باز شارو ماکوینە دلۍ بنەیانێوە یەکی وەڵاتپاڕێزنینە  پەیدا بییەن، جە زارۊڵەییوە چەنی ژنیەی سەرئامای و یادەوەریی گەریلاکاو ئازادیی کوردستانی گەورە بۊ. هەم بنەیانە و هەم هەرێمەکەشا گەشمەرڎۍ و بەشداربیێشا کۊشیای ئازادیینە هەنۍ. هەیە. ئانەیچ فرە کاریگەرییش سەرۊ منیۊرە و بەشداریی ڕیزەکاو گەریلاینە کەرۊ. پا عومرە گەنجییەوە ڕاسیی ئەرەگیری ئێرانی مشناسۊ و ڕووە کەرۊ دلۍ ڕیزەکاو گەریلای. دلۍ ژیوای گەریلایەتیینە سەرەمڕ هەوڵۍ دۍ وێش وزۊ وەڵۍ و وێش پەروەرڎە کەرۊ و هەوڵۍ مدۊ زیاتەر ڕاسیی ڕابەر ئاپۊی بشناسۊ. حەز و تامەزرۊیییش پەی فێربییەی و ئشناسای پاسەش کەرڎەبۍ گردو لەمپەر و وەربەسەکا وەرڎەمشەنە لا بەرۊ و گرد وەختۍ یاگۍ وەشەسیای هامڕایاش بۍ.

پێسە یەکینەکاو وەرکەوتو کوردستانی سەرەوەشی جە لە گەلی وەڵاتپارێزن و نیشتمانپەروەرو کوردستانی و بەتایبەتی بنەیانەو ئا دووە گەشمەرڎاما کەرمۍ و سەرجەنۊ ئەرەیاونمێش، کە تا سەر خاوەنداری جە میراتیشا کەرمۍ، وەعد مدەیمۍ، کە تا ئاخر وەرم و ئاواتەکاشا یاونمۍ  سەرکەوتەی بەرڎەوام سەرو ڕێبازەکەیساوە مەنمێوە و زیاتەر گوڕ بە کۊشیایما مدەیمۍ."