ناوەنڎوو ئەرەیاۋنای یەکینەکا ۋەرکەوتوو کورڎسانی (یەرەکە) جە ئەرەیاۋنېوەنە ئاماژەش پانەی کەرڎەن ،"دەوڵەتوو توركی ئەرەگیری و سوپا شكسواردەکێش دماو زەبرە یۆ جە دماو یووەکا گەریلای تووشوو سەرۋنە شېویایۍ قووڵی بیەن و پۍ شارتەیۆ شكسەكاش جە بەرەكا جەنگی و مدرامانینە جە ۋەران ۋەر  بەگەریلاكاو ئازاڎیی كوردسانینە جەهەرێمەكاو زاپی و ئاڤاشینی و خواكوركی و مەتینای و ئامێدی و جە هەمان وەختەنە پۍ هۊرخەڵەتنای رای گرڎیی دلێینەو توركیای و بەرزکەردەیۆ ورەی وڕیاو سەروازەکاش دەسش بەچەواشەكاری و پروپاگەندەی نادروسی کەردەن".

هەر چا چوارچێوەیچەنە یەرەکە ڕۊشنش کەردەنۆ،"دەوڵەتوو توركی و دەزگاكاو ئەرەیاۋنای دەوڵەتوو توركی نامۍ هەڤاڵی گەشمەرڎەیما”حەسەن سەبووری“، ئشناسیا بە”رێدور باز” ی كە جە ڕۊو”٦ و كانوونیەنە جە ئەرەیاۋناو ڕسمی یەكینەكاو ۋەرکەوتوو كوردسانینە وەڵا کریابێوە، وەڵا کەراوە كە گوایە ئا هەڤاڵەیچە تازە جە هجومەکا  دەوڵەتوو توركینە گەشمەرڎە كریان. وەڵتەریچ دەوڵەتوو توركی و ئەرەمەرزیا سەروازی و ئیستخباریەکۍ ئا وڵاتە جەنگ ورەش و دیكتاتۆرە هەواڵۍ ناڕاسۍ فرێشا پۍ چەواشەكەردەی وەڵاکەردەنۆ و ئینەیچ هەرمانەو هەمیشەییەو دەوڵەتوو توركیاینە''.

یەرەکە جە دمادماینە داواش کەردێنە، کە گەلوو کوردی و رای گرڎیی ۋەران ۋەر پا چەواشەکارییاو دەوڵەتوو تورکی ئەرەگیری هوشیارۍ با و جەختش کەردەنۆ: "مشۊم گەلەكەما و رای گرڎیی كوردسانی و دەزگاكاو یاۋنەری عال بزانا كە ئا حۊڵەو دەوڵەتوو توركی ئەرەگیری پۍ چەواشەکەردەی رای گرڎیی مەتاوۆ مسقاڵۍ جەبەهاو چالاكی تاریخی گەریلاكا ئازاڎیی كوردسانی كەم کەرۊوە و زەبروو گۊرەو گەریلاكایچ دەوڵەتوو توركیشا تەنگەتاو و تووشوو هیستریای کەردەن".

دەقوو ئەرەیاۋناکەو ناوەنڎوو ئەرەیاۋنای یەرەکەی پی جۊرەنە:

یەرەكە؛ سوپاو ئەرەگیروو توركی ۋەران ۋەروو زەبروو گەریلاكانە تووشوو هیستریای بیەن

بە پروپاگەندەی نادروس گەرەکشا شكسەكاش بشارۊوە

دەوڵەتوو توركی ئەرەگیری و سوپا شكسواردەکێش دماو زەبرە یۆ جە دماو یووەکا گەریلای تووشوو سەرۋنە شېویایۍ قووڵی بیەن و پۍ شارتەیۆ شكسەكاش جە بەرەكا جەنگی و مدرامانینە جە ۋەران ۋەر  بەگەریلاكاو ئازاڎیی كوردسانینە جەهەرێمەكاو زاپی و ئاڤاشینی و خواكوركی و مەتینای و ئامێدی و جە هەمان وەختەنە پۍ هۊرخەڵەتنای رای گرڎیی دلێینەو توركیای و بەرزکەردەیۆ ورەی وڕیاو سەروازەکاش دەسش بەچەواشەكاری و پروپاگەندەی نادروسی کەردەن

گەریلاكاو ئازاڎیی كوردسانی بەئامای فەسڵوو سەردا و سۆڵەی و ۋەروە و زمسانیۆ ئۊپڕاسیۊنەکێش پۍ سەروو سوپاو ئەرەگیروو توركی جە هەرێمەكاو جەنگینە ۋەرفراوان کەردېنۍ و جە زنجیرە چالاكیێوە تازەنە گەریلاكۍ كە جە یانزە و دوانزەو ئی مانگێنە جە مەنتیقەو  ئامێدی پێكئاما زەبری جەرگبڕشا جە سەروازا توركی شانا و جە ئۆپراسیۆنێوە ۋەرفراوان و گەردەلوول ئاسانە پۊرتەو دەوڵەتوو توركیایشا ماڕا و ٦١ جەندرمە و سەروازۍ توركیشا بەسزاو گەلی یاونۍ و ئا ئۆپراسیۆنەو گەریلاكا چېروو نامۍ ئۆپراسیۆنوو گەشمەرڎە هەڵمەت دێرەلووكینە کریا. بەڵام دەوڵەتوو ئەرەگیروو توركی و سوپا شکسواردەکېش جارێوەتەر بەشارتەیۆ ژمارەو کوشیایا و زامڎارا جەرای گرڎیی توركیای و جەهانی، تەنیا دڎانشا بەكوشتەو ٩ سەروازا و جەندرما توركیرە نیا و كۆنسەو ئاسایشوو نیشتیمانی توركی جە گلېرۊبیەیۍ دەموودەسەنە قەراروو بەردەوامیدایشا هجومەکاشا پۍ سەروو پانیشتی و ۋەرنیشتوو كوردسانی دا. هەر چا چوارچێوەیچەنە وەزارەتوو پارېزناو دەوڵەتوو توركی و ئەرەیاۋنایەکا سەر بەدەوڵەتوو توركی و دەزگاو ئیستخباراتی ئا وڵاتەیە”میت” بەئامانجوو پەردەپۆش کەردەی راسیەكا ژمارېوە چا هەڤاڵا گەریلای كە وەڵتەر جە هجومەکا دەوڵەتوو توركینە گەسمەردۍ بیبێنۍ، پېسە ئانەی جە ئۆپراسیۆنی تازەو دەوڵەتی و سوپاو توركینە گەشمەرڎۍ بیێبا جە ئەرەیاۋناکاشانە وەڵاکەراوە و ئانەیچ پېسە حۊڵېوە هامبەشوو دام و دەزگاكا سوپا و ئیستخباراتوو توركی بەنامۍ کەرا و گەرەکشانە پا جۊرە رای گرڎیی گەلی شېونا و ژمارەو راسەقینەو کوشیاکاشا جە گەلا توركیای بشاراوە.

هەر چا چوارچێوەیچەنە دەوڵەتوو توركی و دەزگاكاو ئەرەیاۋنای دەوڵەتوو توركی نامۍ هەڤاڵی گەشمەرڎەیما”حەسەن سەبووری“، ئشناسیا بە”رێدور باز” ی كە جە ڕۊو”٦ و كانوونیەنە جە ئەرەیاۋناو ڕسمی یەكینەكاو ۋەرکەوتوو كوردسانینە وەڵا کریابێوە، وەڵا کەراوە كە گوایە ئا هەڤاڵەیچە تازە جە هجومەکا  دەوڵەتوو توركینە گەشمەرڎە كریان. وەڵتەریچ دەوڵەتوو توركی و ئەرەمەرزیا سەروازی و ئیستخباریەکۍ ئا وڵاتە جەنگ ورەش و دیكتاتۆرە هەواڵۍ ناڕاسۍ فرێشا پۍ چەواشەكەردەی وەڵاکەردەنۆ و ئینەیچ هەرمانەو هەمیشەییەو دەوڵەتوو توركیاینە.

مشۊم گەلەكەما و رای گرڎیی كوردسانی و دەزگاكاو یاۋنەری عال بزانا كە ئا حۊڵەو دەوڵەتوو توركی ئەرەگیری پۍ چەواسەکەرڎەو رای گرڎینی مەتاوۆ مسقاڵێوە جە بەهاو چالاكی تاریخی گەریلاكا ئازاڎیی كوردسانی كەم کەرۊوە و گورزەی گۊرۍ گەریلاكایچ دەوڵەتوو توركیشا تەنگەتاو و تووشو هیستریای کەردەن، حەرپاسە مشۊم رای گرڎینوو گەلەكەیما چا حۊڵە چەواشەكاریاو دەوڵەتا ئەرەگیروو سەروو كوردسانی و بەتایبەتی دەوڵەتوو فاشیستی توركی هوشیار بۆ و بە وۍ ڕێکوستەکەردەی و حېقم کەردەی ریزەكاشا جوابېوە هامشېوەو گەریلاكا بەدوژمنی و ئەرەگیرا بڎاوە و گەنجاو كوردیچ بە خۊتانکەردەی جەگەریلای و چالاكیەكاشا پەیوەندی بەڕیزەكاو گەریلایۆ کەرا و بانۍ بە قەڵا و پەشتیوانیێوە بەقوەتوو واڵە و براكاشا جە بەرەکا مدرامانینە دژ ئەرەگیری دەوڵەتوو توركی ئەرەگیری.