ستراتیجوو دەوڵەتا ناکۆکیی ما بەینوو کوردان، پژاک خەبات پۍ تواناسازیی گەلوو کوردی و یۊبیەی بەینیشا مکەرۆ، ئاڎیچ جە ڕاو بەقوەتکەردەی چاندی کوردسانیی، پژاک وەختۍ پێڎابی، کە پارتەکۍ تەروو ۋەرکەوتی جە جەنگی سەروازیی سەرەتاو ئاخێزوو ئێرانینە، تووشوو شکسی بیۍ و خزێوە دما پەی کەمپەکا، حەرپاسە جە جەنگی فەرهەنگیچەنە کۆتوو دەسوو ئایدۆلۆژیاو دوژمنی بیێبێنۍ و ۋەرکەوتی تەنیا بە پارێزگاو کوردسانی (پارێزگاو سنە)ی ساختەو دەوڵەتوو ئێرانی وینێنۍ، بەڵام پژاک جە سۆنگەو ئیسفاڎەکەردەی جە ئایدۆلۆجیاو ڕابەر ئاپۆی و ئەزموونوو ڕێکوستەیی پەکەکەی نەک تەنیا دیدێوە جیاواز و پانوپۆڕتەرش چاڎیشا پێشکەشوو ۋەرکەوتی کەرد، بەڵکوو ئینەیچش بە کردەنیی کەردۆ، هەر ۋەروو هەمان مەڵامەتیا ئارۆ کوردا جە حەر شۊنۍ ئێرانینە با، جا جە ئیلام بۆ یان کرماشان و خۆراسان و خوزستان و لوڕستان، ۋێشا چی پارتەیە بە دوور مەزانا، جا پەی نیشاندای ڕێخە کوردسانییەکاشا یا چاندەکەیشا نە ئیجازە جە هیچ حزب و دەوڵەتێوە موازا و نە پەنەوازشا بە هیچ پارت و دەوڵەتێوە هەن، ئینە فیتاوفیت سەرەتاو هەرمانەکێنە. متاومۍ بواچمۍ ئارۆ پژاک پێسەنە جوانێوەد ٢٠ ساڵەی، ئینە سادەتەرین پیمانەی و ئەنجامگیرییا، واقیعوو ئەزموونیی و سیاسیی-فەرهەنگیی پژاکی ئیسفاڎەش جە مدرامانی تایبەتیی ئا گرڎوو ساڵاو ڕابەر ئاپۆی و خەباتوو ڕێکوستەی پەکەکەی دیەن، ئی پیمانە فرەتەر پارتە کلاسیکەکا وستەن ڕووە، کە جوانی هامتاو بێئەزموونیی هەژمار مکەرا و پی ڕەنگە حۊڵ مڎا ۋێناو پژاکی بشێونا، ئینە جە وەختێنە کە جە ئایدۆلۆجیاو ئاپۆیینە جوانی یا گەنجی بە مەعناو جۆشوو خرۆشی و چالاکیی و چێوۍ ئەرێنیی مێنە هەژمار.

 ئی پێکئامایەو ئارۆی پتر پێسەنە جوانێوە ٢٠ ساڵەی، ۋەرکەوتوو کوردسانینە، ئینەما جە ڤیدۆکاو مەڕاسیموو نەورۆزینە دی، کۆماری ئیسلامیی نەتاواش نەورۆزی سڕۊوە، بەڵام جە پووچکەردەیۆ پەیڤەکانە جە واتانە فرە زانان.

حۊڵوو ئاڎیشا پۍ دلێنەبەردەی جلوبەرگی و هۊرپڕای و ئێرکەردەیۆ و بازنەکاو یۊبیەی کوردا جە دەورو خولوو ئا ئێرەینە خولیێوە، بەڵام کورد جە نەورۆزوو ئێساڵینە سەلەمناشا بە هیچ فشارێوە پاکتاوۍ مەبا و دەس جە چاندوو ۋێشا مەکێشاوە، فرەو حکومەتا ئامێنۍ و لووێنۍ، بەڵام ئێروو نەورۆزی حەرپاسە سەروو پەیاوە مەنەنۆ، گەلوو کوردی جە تاریخەنە هەورازی سەختش بڕییەن، بەڵام هەمیشە جە دڵوو تاریکتەرین شەوەکانە بزیسکێوە پێسە ڕابەر ئاپۆی گیسیانەنە، سا بیەن بە ئێری گەرمکەرەوە و ڕۆشنای پۍ گەلوو کوردی و چاندە هەزاران ساڵیەکەیش. ئارۆ جە ۋەرکەوتوو کوردسانینە پژاک هەمان گڕەو نەورۆزین.