بە سەرمەشقایەتی ئەنجوومەنو شارو قامیشلۆی، پەی شەرمەزارکەردەو کۆمەڵکوژیی سەرو عەلەوییە کەناراونشینەکا سووریای، ڕاپیمێوەشا جە فولکەو سۆنو شارەکەیۆ تا مێڏانو گەشمەرڏا شارەکەی دەسش پنەکەرد.

جە ڕاپیماکەینە ئەرەنیشینا شارەکەی و دەورووبەریش، ئەندام و نوێنەرێ ئەرەمەزنا مەدەنی و پارتە سیاسییەکێ بەشدارێ بێنێ.

ڕاپیماکەینە وێنەو قوربانییا کۆمکوژییەکەی بەرزکریێوە و بە بەردەوامی درووشمەکێ "نا پەی تنوتیژی" و "بەڵێ پەی پێوەرە ژیوایی گەلوو سووریا" ی بەرزکریاوە.

ڕاپیماکەی بە یاوای بە مێڏانو گەشمەرڏا شارەکەی فاڕیا پەی گلێرۆبییەی، دماو دەقێوە جە ڕێز ونە نییای ، ئەرەیاونا بە هەردووی زوانو کوردی و عەرەبی ونریاوە.

زوانو کوردی ئەرەیاوناکەی جە لایەنو هامسەرۆکەو ئەنجومەنو شارو قامیشلۆی هێڤی محەمەدێوە ونریاوە و دلێشەنە ئاماژەش پانەیەکەرد سەرەڕاو وڕاو ڕژێمو بەعسی بەڵام بە ئیسەیشۆ تەرسی و قڕکارییەکی سەرو گەلوو سووریای بەردەوامێنێ. جە ئەرەیاوناکەینە ئاماژە دریا پانەی کڕێڵو چارەسەری پەی سووریای پرۆژەو نەتەوەیی دیموکراتیکا.

حەر جە ئەرەیاوناکەینە هێڤیە داواش جە گلێرگەو مییانەتەوەیی کەرد دەمودەس کۆمیتێوە پەی پارێزناو گەلا سووریای ئەرەمەرزنارە.

دماو وانایۆ ئەرەیاوناکەی، گلێرۆبییەکەی بە واتەیۆ درووشمی دمایش پنە ئاما.