ئەرەنیشتاو مەنبەجی داواو ئازاڎیی جەسەیی عەبدوڵا ئۊجالانیشا کەرڎە
ئەرەنیشتاو مەنبەجی واتشا، تا ڕابەری گەلوو کوردی عەبدوڵا ئۊجالان ئازاڎ نەبۊ، ئادێچی ئازاڎۍ مەبا، ئەوەخوایشا کەرڎۊ، تا یاوای پی ئامانجەیە درێژە بە چالاکییەکاشا مدا.
ئەرەنیشتاو مەنبەجی پێوەس بە گرنگیی کۊشیای پەی ئازاڎیی جەسەیی ڕابەروو گەلوو کوردی عەبدوڵا ئۊجالانی قسێشا پەی ئاژانسوو هەواڵوو فورات (ANF)ی کەرڎێ.
ئەمیرە ئاغا واتش، ئازاڎیی ڕابەروو گەلوو کوردی عەبدوڵا ئۊجالانی و ئازاڎیی گەلا، تاکە چارەسەروو مردنای ونمتەین هەرێمەکەنە و واتش: "ئینایمۍ چا قەناعەتەنە ئازاڎیی ڕابەرێتی، کرێڵوو چارەسەروو گردوو کێشەکاو وەرکەوتوو دلێڕاسەین".
ئەمیرە واتشۊ، پێسە ژەناو مەنبەجی پەی ماڕای گۊشەگیری و مسۊگەرکەرڎەی ئازاڎیی جەسەیی ڕابەروو گەلوو کوردی عەبدوڵا ئۊجالانی گرد هەڵمەتێوەنە بەشدارۍ بیێنۍ و پەی ئی ئامانجەیە درێژە بە چالاکییەکاشا مدا.
محەمەد حوسام ئەلشەواغ، تیشکەش وستە سەروو هەڵمەتەو "ئازاڎیی پەی عەبدوڵا ئۊجالانی، چارەسەری سیاسی پەی پەرسەو کوردی" و واتش: "پێسە گەلاو سەرنیشت و وەرکەوتوو سوریای وەعد مدەیمۍ ڕاپیمای و وێنیشانەدای و چالاکییەکاما تا ئازاڎیی ڕابەر عەبدوڵا ئۊجالانی درێژە پەنە بڎەیمێ".
ڕابیعە بەکرۊ، داواو ئازاڎیی ڕابەروو گەلوو کوردی عەبدوڵا ئۊجالانیش کەرڎە و ئاماژەش پانەیە کەرد، ڕابەروو گەلوو کوردی عەبدوڵا ئۊجالان تاکە ڕابەرا مافش بە ژەنا دان، سایۍ ئادیوە، ژەنی جڤاکەنە دەورش هەن.
ڕابیعە واتش: "پێسە ژەناو مەنبەجی داوێکێما تازۍ کەرمێوە و ماچمۍ، تا ئازاڎیی ڕابەر عەبدوڵا ئۊجالانی نۍ دی، ئێمەیچ ئازاڎۍ مەبیمێ".
