یۆبییەی ئەرەیاونای ئازاد (یەرەئا) بە بۆنەو ٢٢ێ نیسانی ڕۆو ڕۆنامەوانانی کوردیوە سەرو پەلیانەکەیشەوە پەیامێوەش وەڵا کەردۆ.  

ئەوەڵوو پەیامەکەینە مواچۆ:  "١٢٦ ساڵێ وەڵێ ئیساتێنە پێش جە ٢٢ێ نیسانو ١٨٩٨، میقداد میدحەت بەدرخان یوەم ڕۆنامەی کوردییش بە نامێ "کوردستان"یوە قاهیرەو پایتەختو میسرینە بەرکەرد، پی هەوڵێچشە زەمینێوی پەی هەنگامە سەرەتاییەکاو چاپەمەنیی کوردیی پەیدا بی، ڕاسا ڕۆنامەو کوردستانی بە بۆنەو  دەسوستەینە دوژمناو کوردیوە درێژەش نەکێشا، بەڵام گەلو کوردی جە چوار پارچەو وەڵاتینە ئا هەنگامێشە پێسەوزەمینێوی سەرەکیی بەبناغە گێرت و خەباتی چاپەمەنییشا وست وەڵێ".

ئاماژە مکەرۆ جە ئەوەڵۆ تەڤگەرو ئازادی وەڵیوستەی ئەرەیاونای ئازادیش کەردەن بە بناغەو وەڵیوستەی کۆشیای ئازادیی، سەرو ئی بناغەیچەوە دەیان دەزگێ ئەرەیاونای وزیێ وەڵی و سەرەتا بە ڕۆنامەو سەرخۆبوون دەسش پنە کەرد.

هەروەها ئاماژە پانەیە مکەرۆ چی  ڕووەوە وەڵێکەوتەی خاس سەرنیشت و وەرکەوتو سوریاینە هەنێ، ئەگەر ئارۆ وێڕاوەبەری و سوپاما هەنێ و سیستمی واڵە و برایی گەلا سەرەڕاو گرد هجووم و پیلانەکا سەرمگنۆ، سەیەو کۆشیای خەباتو یئەرەیاونای ئازادیین، سەیەو ئا هامڕایانە کە پەی حەقیقەتی گیانش بەخشا، تاواما بیمێ داراو زەمینێوی قەوەتوو کۆشیای ئازادیی.

ئاخرۆ گردو گەشمەرداو چاپەمەنی یادێ مکەرمێوە و داوا ج گردو ڕۆنامەوانا مکەرۆ بانێ بە دەنگو دیموکراسیی جڤاکی و سەرو ئی بناغەیۆ بکۆشیانێ.