ئەرەیاونای ئازادوو شەنگالی و تەڤگەروو ئازادیی ژەناو ئێزدی (تاژێ) تیشکەشا وستە سەروو دەوروو پەدەکەی جە هجووموو سەروو ڕۆنامەنویسانە و ئەوەخوایشا کەردۆ، ڕا وەنەو چاپەمەنیی ئازادی نمەگێریۆ.
دەوڵەتی ئەرەگیروو تورکی ٢٣ێ ئابینە پانیشتوو کوردسانینە سەیارێوە ڕۆنامەنویساش کەرد ئامانج و هەردووە ڕۆنمەنویسێ گوڵستان تارا و هێرۆ بەهادینە گەشمەردێ بیێ.
ئەنداماو ئەرەیاونای ئازادوو شەنگالی ئی نیمەڕۆوە پارکوو سەرۆکایەتیی شەنگالینە جەمێ بیێوە و هجوومەکەشا سەرمەزار کەرد و ڕسموو گەشمەردەکاشا بەرز کەردۆ.
خەباتکارەو چاپەمەنیی ئازادوو شەنگالی ڕۆژبین حەبابییە ئەرەیاوناش وەروو ئانەیە ڕۆنامەنویسێ دەنگوو ڕاسیینێ، پەوکای دەوڵەتی ئەرەگیروو تورکی هجوومێشا مکەرۆنە سەر، واتش:" ئی هجوومێ ئێمە نمردنا و زیاتەر قەوەتتەرێما مکەرا".
ڕۆژبینە واتش: "دەوڵەتوو تورکی بە هامکاریی پەدەکەی هجوومێ مکەرۆ سەروو ڕۆنامەنویسا، وەلێ مسۆم بزانا ئێمە سەروو راو گەشمەرداوە بیمێ و هجوومەکێ نمەتاوە کپێما بکەراوە".
ڕۆنامەوان ئیبراهیم ئێزدی واتش: "پیسە چەنی ئەرەیاونای ئازاد سەرمەشقایەتیی سیستمی نەتەوەی دیموکراتیکی مکەرۆ، دەزگاکاو ئەرەیاونای پەدەکەی سەرمەشقایەتیی کۆیلایەتی و ئەرەگیریی خاکوو کوردسانی مکەرا. وەڵێ ئانەینە ئێمە بزانمێ هامڕا ڕۆنامەنویسەکێما ئینێ سەیارەکەنە، دەزگاکاو ئەرەیاونای پەدەکەی زاناشا، ئینە بەرش موزۆ دەسشا هجوومەکەنە هەن".
تەڤگەروو ئازادیی ژەناو ئێزدی (تاژێ) چی بارەوە ئەرەیاوناێوە نویسیاش وەڵا کەردۆ.
ئەرەیاونایەکەنە هجوومەکە شەرمەزار کریا و ئاماژە پانەیە کریا، پەدەکە بە خیانەتەکەیش خزمەتوو دەوڵەتوو تورکی مکەرۆ و پەی رازیکەردەی دەوڵەتوو تورکی کوردسانی و گردوو گەلوو کوردی مکەرۆنە قوربانی، واتش:" وەروو ئانەیە ڕۆنامەنویسێ ئازادێ سەرەمڕ ڕاسی و قیزەونیی ئادیشا و پلانەو ڕێککەوتەیە قیزەونەکاشا ئاشکرا مکەرا، پەوکای بەئامانج مگێراشا".
تاژێ ئاماژە پانەیە مکەرۆ، کەس هومێد و چەمەڕوانییش جە پەدەکەی نەمەنەن و ماچۆ:" دۆخەکە تا مێ خەتەر بۆ، پەی دلێنەبەردەی گلێرگەی گرد چێوێ مکەرا، هومێدما بە گەلەکەیما و ژەنە ئازادان، بە هەڵوێستی ڕۆشنما، متاومێ پاشەکشێ بە دوژمنی بکەرمێ،پەوکای مشۆم گرد یاگێوەنە بمجیەیمێرە مەیدانەکا و چا هجووما پێچمێوە".
ئاخرۆ تاژێ سەرەوەشی وەنەو کەسوکار و هامخەباتاو گوڵستان تارێ و هێرۆ بەهادینێ مکەرۆ و هومێدوو خاسبییەیوە پەی بریندارەکا موازۆ.
