نوسینگەو یاسایی سەدەی سەبارەت بە هەوڵە درۆیینی و بێڕێزییەکا جە وەروەرو ڕابەر ئاپۆی ئەرەیاونێوەش وەڵاکەرۆ.

ئەرەیاوناکەی بی جۆرەن:

"چی کاتەنە گرڏما وینمێ کە موەکیلەکەما ئێژا عەبدوڵا ئۆجالان پەی بنیادنیای ژیوایێ هامبەشو دیموکراتیکی، ئازاد و یەکسان هەوڵ مرۆ دەوری تاریخی وێش گێڵنۆ. جە وەراوەرو دژایەتی و هەوڵەکا چارەسەرنەکەردەو پرسو کوردی، ئار دلێ هەلومەرجو گۆشەگیرینە پەی ئاشتی ئەرەکۆشای بێ وچان بەرۆشڕاوە.

جەکاتێوە چانە تاریخی و هەستیارەنە جیاتی مامەڵە و هەڵسوکەوتو ئەخلاقی پەی هامکاری کەردەی و ئاردەی وەڵێ چارەسەرو دیموکراتی، وینمێ کە جە وەراوەرو ئێژا ئۆجالانی بەشێوێوە درۆیینەو، چەواشەکاری و دوور جە وەشەویسی و رێز مامەڵە کریۆ. ئێمە مزانمێ کەناڵە تەلەڤزیۆنیەکێ و میدیا دیجیتاڵەکێ جا مشتومڕا چی ئاستەنە پەی یاواینە جە قۆناغەکەی بەراش ڕاوە کە خاوەن کێشەو عەقڵیەتی و دوور جە ئەخلاقین، ئینەیش پەی تێکداو هەوڵەکا ئاشتی و چارەسەریین. مامەڵە و هەڵسوکەوتی چی جۆرە جە کەسایەتی ئێژا ئۆجالانینە  جە  وەراوەرو هێزو چارەسەرینە ئار جە دژو هزرو ئازادی کە بە فەلسەفەی ' ژەنی ، ژیوای، ئازادی' بە تەمامو جەهانینە وەڵا بییەنۆ.

وەرو ئانەی داوا جە گرڏ کەسێ مکەرمێ کە بە زوانی ئاشتی ویرکەراوە، قسێ کەرا، هەڵوێسی ئەرێنی نیشانە دانە و پەی یاوای بە بوار و بەستێوە دیموکراتیکی رەنج و ئەندێشەشا نیشانە دانە".