یەرەژە ئا ئیمزایۍ کە جە چوارچێوەو کەمپینو 'نا پەی جە قەنارەدای'نە کوێش کەرڎێبێنێوە پەی ١٣ رێکوزیایا و سەندیکاکا رۆنامەوانا، رێکوزیاو چەمڎاری مافەکا مرۆڤی، یاساشناسا و ۋەرگیریکارا مافەکا مرۆڤی کیاستۍ.
یۆبیەی ئەرەیاۋنای ژەنا (یەرەژە) ١٢و ئابو ئېساڵی جە ۋەرا ۋەرو قەرارو جە قەنارەداینە کە دادگاکۍ ئێرانی جە دژو رۆنامەوانا و چالاکا پەخشان عەزیزیۍ و شەریفە محەمەدیۍ بەرشا کەرڎێنۍ، کەمپینو 'نا پەی جە قەنارەدای' دەسشپنەکەرڎەبۍ.
دماو ئانەی کەمپینەکە ١٤ ڕوۍ بەردەوام بی، یەرەژە ٢٦و ئابی بە کۆنفڕانسێوە رۆنامەوانینە دەرەنجامەکێش ئاشکرا کەرڎۍ و ئەرەیاۋناش، کە جە رۆنامەوانا، سیاسەتمەدارا، رۆشنۋیرا، چالاکا، ئەنداماو رێکوزیا مەدەنیەکا، ژەنا، رێکوزیاکا بوارو یاسای جە هەرێمو سەرنیشتوو ۋەرکۊتوو سوریاینە، چوار پارچەو کورڎەسانینە، وڵاتا ۋەرکۊتوو مېیامینینە پېسە لوبنان، میسر، مەغریب، تونس و وڵاتا ئۆروپای ٣٦ هەزارۍ و ٣٩٨ ئیمزێشا کوۍ کەرڎێنێوە.
جە کۆنفڕانسەکەنە ئانە وزیابۍ ڕووە کە ئیمزاکا پەی ڕێکوزیاکا رۆنامەوانا و مافەکا مرۆڤی مکیانا.
بە پاو زانیارییەکا دەسەو ڕاوەبەری یەرەژەی ئیمزێکۍ ئاراسەو کۆمیتەو پارېزنای رۆنامەوانا، یۆبیەی مېیاننەتەوەیی رۆنامەوانا، رێکوزیاو پەیامکیانا بێسنووری، ئاژانسوو رۆیتەرزی، سەندیکاو رۆنامەوانا عومانی، سەندیکاو رۆنامەوانا سۆمالی، سەندیکاو رۆنامەوانا ئوردنی، سەندیکاو رۆنامەوانا لوبنانی، سەندیکاو رۆنامەوانا میسری، سەندیکاو رۆنامەوانا پانیشتوو کورڎەسانی، ناوەندو میترۆی جە پانیشتوو کورڎەسانی، رێکوزیاو مېیاننەتەوەیی چەمڎاری مافەکا مرۆڤی و چڼین مافناسۍ و ۋەرگریکارۍ مافەکا مرۆڤی کریان.
