چالاکییەکاو ئێشکگێری داڎپەروەری چوارچوەو ێوەی هەڵمەتەو "ئازاڎیی پەی عەبدوڵا ئۆجالانی، چارەسەری سیاسی پەی پەرسەو کوردی" ئامەد و ئیستەنبوڵ و ئەدەنەنە بەرڎەوام بی. ئێشکگێری داڎپەروەری مێردین و وان و مێرسیننە بۆنەودەنگدای گەلیوە پەی کاندیداو شارەوانیی شارەکاو دەم پارتیینە ورچنیەیە هەرێمییەکانە، ئارۆ نەدکریێ.

چالاکییەکەو ئیستەنبوڵی ٣٢ ڕوۍ بەرڎەواما، پانکارتەکۍ بە زوانی کوردی و تورکی و بە نویستەی "پەی بنیاتنیای ژیواێوە ئازاڎی گۆشەگیری ماڕمێ، بیمۍ بە دەنگوو زیندانیا" و "پەی داڎپەروەری گۆشەگیری ماڕمێ، پەی ئاشتیی گلێرگەی بیمۍ بە دەنگوو زیندانییا" ورواسیێ.

چالاکییەکەنە ورپڕای کریا و درووشموو "بژیوۆ سەرۆک ئاپۆ" و "بژیوۆ مدرامانوو زیندان"ی بەرزۍ کریێوە.

چالاکییەکەو ئەدەنەی ٤١ ڕوۍ بەرڎەواما.

جە بەشداربییاو  چالاکییەکەی، عایشە ئایبەرکە ئاماژەش پانەیە کەرد، تاکە هەنگامە پەی مردنای ئی جەنگوو وەڵاتی ئازاڎیی ڕابەروو گەلوو کوردی عەبدوڵا ئۆجالانین، بە بەرزکەرڎەیوە درووشما داواش جە گرد لایۍ کەرڎە کە خاوەنداری جە کۆشیای کەرا.  .

هەرپاسە چالاکییەکەو ئامەدی ٤١ ڕوێن بەرڎەواما، بەشداربیی هێلەکشا کەرڎەنە و بە کوردی و تورکی سەرشۆ نویسیابۍ "گۆشەگیری تاوانێوە ئینسانیەتین".