کۆردیناسیۆنو جەمەکا گەنجا جە ئەرەیاۋنېۋەنە باسش چانەی کەرڎەن کە بە دروشمەو "ئێمە بە رۆحی ئاپۆیی ۋېما تازەکەرمېۋە، جە جەنگی ئازاڎینە سەرگنمۍ" یۋەمین کۆنفڕانسو گەنجا پەکەکەیشا سازکەرڎەن.

جە ئەرەیاۋناکەنە ئامان کە "ئێمە پېسە جمیەرو گەنجا ئاپۆیی بە جۆش و سەربەرزیېۋە گۊرۊ یۋەمین کۆنفڕانسو گەنجا پەکەکەی ئەرەیاۋنمۍ" و ئاماژە پانەی کریان کۆنفڕانسەکە پێشکەش بە گەشمەرڎە رزگار قەرەسونگوری کریان  کە جە مدرامانو زاپینە بە قارەمانی جەنگش کەرڎەبۍ و دماتەر گەشمەردە بی.

جە ئەرەیاۋناکەنە باس چی مژارا کریان:

"کۆنفڕانسەکەما بە بەشڎاری ٤٠ نوێنەرا جە چۋار پارچەو کورڎسانی و جە جبەرو ۋڵاتی ٩ ڕۋۍ ۋەردەوام بۍ. کۆنفڕانسەکە بە گفتوگۆی فرە گرنگ، هۊرسەنگنای و ئەنجامۍ ماناڎار و پەڕوەرهەم لۋاڕاۋە، یاۋا بە ئاستو قەراربەرکەرڎەی تاریخی و بە سەرکۊتەیی دمایش پنە ئاما. پی بۊنۊ سەرەتا مبارەک بایی جە ڕابەر ئاپۆی، گەشمەرڎا دۆزو ئازاڎیی، گەنجۍ شۆڕشگێڵۍ کورڎسانی، گەلە ۋڵاڎپارێزەکەیما و دۊساما کەرمۍ. ئی کۆنفڕانسە بۊ بە هێلانۍ تاریخی و جە ڕاو ئاخېزو ئازاڎیی کورڎسانینە بۊ بە سەرچەمەو سەرکۊتەی.

پێشکەش بە رزگار قەرەسونگوری کریا

هەڵبەتە ئانۍ کە بیۍ بە مایەو سازکەرڎەی ئی کۆنفڕانسیە گەشمەرڎەکېمانۍ. کۆنفڕانسەکەما جە سایەو ۋنەو ئا قارەماناوە لۋاڕاۋە. کۊشیای و مدرامانما چېرو ئاڵاو گەشمەرڎانە ۋەردەوام بۊ، گەورە بۊ و بۊ بە راسیېۋە کە مەمەڕیۊ. گەشمەرڎېما ڕاما ڕۊشن کەراۋە، بە گورزەی قورسە تاریکی فاشیزمی دلېنەبەرا. ئێمە حەجگیز ئا راسیە جە ۋیر مەکەرمۍ و نمازمۍ کە جە ۋیر کریۊ. سەرو ئا ئەساسیە ئێمە سەرەتا جە کەسایەتی گەشمەرڎاما 'باران ماوا، ماهیر بۆتان، ئاخین ماهیر دیجلە، حسێن فرات، باوەر ئاتەش، فرات چیچەک، ڤیان سەرحەد، عاکیف یەڵماز، ئەڤین، راپەڕین ئامەد، سارا، روکەن'ۍ و گەشمەرڎا زاپی، ئاڤاشینی و مەتیناینە گرڎوو گەشمەرڎاما بە رێزداریۍ گۊرۊ یاڎکەرمېۋە و بە رێزۊ ۋەردەمو یاڎو ئاڎیشانە سەرەو ۋېما منامنمېرە، ئا وەعدەی پایشاما دان جارێۋەتەر واوەیش کەرمېۋە. حەرپاسە ئێمە ئی کۆنفڕانسەیە کەرمۍ بە سەوقات پۍ رزگار قەرەسونگوری کە جە مدرامانو زاپینە بە قارەمانێتیوە جە دژوو دوژمنی گژیا و لۋا قافڵەو گەشمەرڎاۋە.

گۆشەگیری و ئەشکەنجەی رەها ۋەردەوام زیاتەر سەپیا

ئێمە جمیەرو گەنجا ئاپۆیی، سەرمەشقی دۆزو ئازاڎیی گەلەکەیما کەرمۍ. چی هەشت ساڵە دماییەینە چی هەرێمەنە جەنگۍ گەورە و مدرامانۍ کەم ۋېنە ملۊڕاۋە. گرڎ ساڵێۋە، گرڎ ڕۋۍ و حەر ساتێۋە ئا مەرحەلە نائاسایی بیەن. دەوڵەتو تورکی فاشیستی، ئەرەگیر و قڕکەر چېرو نامۍ 'پلانەو چۆکپنەداینە' جەنگو ئەسڕیەی و دلېنەبەرڎەی هەمە لایەنەیش ڕاۋەبەرکەرڎەن. گەرەکشابۍ جمیەرو ئازاڎیی پەکەکەی پاکتاو کەرا و گەلوو کورڎی کۊکوشکەرا. ئا کۆنسێپتە دژ بە ڕابەر ئاپۆی جە ئیمراڵی دەسش پنەکریا. جە گرڎ وەختۍ زیاتەر سیستمو گۆشەگیری رەهای و ئەشکەنجەی دەرونی سەپیا. وردە وردە ئا هجومە بە سەرانسەرو کورڎسانینە ۋەڵاکریاۋە. دوژمنی فاشیست پۍ ئانەی گرڎو ڕا و هێزی سیاسی، ئابوری، سەروازی و دیپلۆماتیکو ۋېش وست ئاماڎەباشیۊ. چی کۆنسێپتەنە دارودەسە و جاشەکۍ کورڎسانیچ بیۍ بە بەشۍ چانەی. شێوازەکېچ چنڎە چەپەڵۍ و دڕنڎانۍ و بۍ ئەخلاقانۍ با جە لایەنو گرڎ کەسېوە تاقیکریېنېۋە. سەرو گەلەکەیما و ژەنا و گەنجەکاما ۋەردەوام و بە ٢٤ سەعاتی جەنگی تایبەت و دەرونی ملۊڕاۋە. گرڎ ڕۋۍ دژ بە گەریلاکا ئازاڎیی کورڎسانی چەکی ئەتۆمی قەڎەغەکریا و گازی کیمیاۋیی بەکارمۍ. جە دمادمایچەنە گەرەکشابۍ ڕابەر ئاپۆی بێدەنگ کەرا، گەریلای پاکتاو کەرا، چۆکۍ بە گەلی بڎارە و گەنجا کەرانۍ بە دوژمنو ئی دۆزەیە. لێکدایۊیشا پی جۆرەبۍ کە ئا ئەقڵیەتە پاکتاوکەرە ساڵەو ٢٠٢٣ېنە میاۋۊ بە بەرزتەرین ئاست، چی سەڎ ساڵەو لۆزانینە ۋېشا میاۋنا بە سنوورەکا میساقی-میلـلی و جە ۋەرکەوتوو میامینینە باڵادەسی ۋېشا ئەرەیاۋنا.

ئێمە فیداییەکاو ڕابەر ئاپۊینمێ

کۊنفڕانسەکەما جە ئاستوو کۊشیای جمیەروو گەنجانە، هەرمانە و وەرپەرسبیەیی ئێمەن، ڕاسیی خەتەو ئاپۊیی و ئاستوو وەشکەرڎەی خەتۍ ئاپۊییش بە ڕۊژەڤێوە سەرەکی و تایبەت ورسەنگنا و یاوا بە ئەنجامی گرنگ. مشۊم ئێمە گەنجۍ ئاپۊیی بەڕاسییچ جە گرڎوو لایەنەکاوە وێما بارەو ڕابەرایەتیماوە قووڵ کەرمێوە، بیاومێشنە و ئگرڎ چێوۍ جە ڕابەر ئاپۊیۊ بشناسمێ. ڕابەر ئاپۊ ڕابەروو چارەسەروو گرڎوو مشکیلەکان  و پەرسەکو ژیوای، کۊشیای و شۊڕشوو ئێمەن. ڕاسیی دوژمنی، شێوازی ڕاس و ئارڎەینەیانە، شێوازوو هجوومبەری و جەنگی، بنەما و شێوەو ڕاسیی ڕێباز و جەنگەوانی هەڵمەتبەری و کۊشەری، جە کۊشیای ڕەگەزی و چینایەتیوە تا وەشبییەی کەسایەتیی جەنگاوەری، جە وێئشناسای و وەڵیکەوتەیوازیوە تا وێتازەکەرڎەیۊ، ڕابەر ئاپۊ نموونە و سەلەمنەروو ئی ڕاسییەینە. سەرباروو گۊشەگیریی ڕەهای و دژواریچ،  ڕابەر ئاپۊ دیوارەکاو ئیمراڵییش ماڕێنۍ و پارادیگماو وێش پێشکەش بە مرۊڤایەتیی ئازادیوازی کەرڎەن. ئا ڕاسییە جە ڕاو سەرەوارڎای ' ژەنی، ژیوای، ئازادی'یوە جە وەرکەوتوو کورڎستانی و سەرتاسەروو ئێرانینە جارێوە تەر بەئاشکرا وزیا ڕووە.  ڕابەر ئاپۊ ماچۊ، 'پارێزنامەو من چکۊنە بۊ من ئینانا چاگە'.  ڕابەر ئاپۊ پا ڕێنماییوە گەرەکش بۍ هەڵوێستی غەڵەتوو ئێمە ڕاس کەرۊوە، ڕەخنەش  وەنە گێرۊ و گەورەتەرین هێزوو وێش نیشانە بدۊ.

ڕابەر ئاپۊ جە دژوارتەرین هەلومەرجنە، جە تەنگوچەڵەمە و ئاستەنگوو ئیمراڵینە، ژووری تاکەکەسینە جە گرڎوو فرسەت و زەرووریەتە بێبەشکریاکانە، جە گۊشەگیریی ڕەهانە، سەروو پاڕادایموو کۊشیای سوسیالیزم و ویر و فەلسەفەو ژیوای ئازادییش بەرڎ وەڵێوە.  پاڕدیگمای دیموکراتیک، ئیکۊلۊژیک و ئازادیپارێزنی ژەناش وست وەڵێ.  دوورنماو مۊدێرنیتەی دیموکراتیکیش بونیاد نیا.  ڕابەر ئاپۊ چەنی ئی ورچەرخیایە، دۊگما هەزاران ساڵانەکێش سەروچێرۍ کەرڎێوە، بە ژیریێوە کە ئینسانی سەرسام کەرۊ، ڕۊشنایێوە تازەش پەی هومێدوو  چەوسیاوەکا گیسنانە.

 

سەروو ئا بنەمایا کۊنفڕانسەکەما ورسوونیشتی غەڵەت، لاواز و دڕندانەش دژوو ڕاسیی ڕابەر ئاپۊی ورسەنگنا. چا چوارچوەنە مامەڵە و ورسەنگنای هەستیاری، ڕواڵەتی، دوور جە ئایدۊلۊژی، شکڵی و دروشمییش شەرمەزار کەرڎ. ئێمە گەنجا فیداییاو ڕابەر ئاپۊینمۍ، ئینە ڕاسا وەلۍ مشۊم ماناو ئانەیە بە قووڵی و دروسی هەستش پەنە کریۊ. ئەگەر گەنجاو کورڎی پێسە وێسا بە ساعیبوو ئەندێشەکاو  ڕابەری بزانا، ئەندێشە و ئەرەمەنەیەکاو ڕابەر ئاپۊی گرڎوەختۍ ژیوایشا کەرا بە هەرمانە، پەی گەلوو کورڎی و ئینسانیەتی ئازادی دەسەبەر بۊ. سەروو ئا بنەمایا قسۍ 'چەق و ناوەندوو جەنگی جە ئیمراڵینە' فرە خاس چەنەش یاوانە.  ڕابەر ئاپۊ دلۍ دڵوو هێزەکاو سەرمایەداری و دەسەڵاتوازینە تەرسی و خۊفیش نیێن. وەروو ئانەیە٢٥ ساڵۍ وەڵۍ ئیسەینە پیلانگێڵنیش وەرانوەرۊ کریا و هەوڵێشا دۍ  ڕابەر ئاپۊی جە ئیمراڵینە گۊشەگیر کەرا. بکەن.  ڕابەر ئاپۊ پەی ئێمە گرڎ چێووەن. ئێمە کێشە کۊمەڵایەتییەکاو گەنجا، ڕا و ڕێبازوو چارەسەرکەرڎەیشا، ڕاسییی سیستموو مۊدێرنیتەی سەرمایەداری و دوژمنی فاشیستی و پەنەوازیی کۊشیایما وەرانوەروو ئانەینە بە وەرفراوانی ورسەنگنا.

جە سیستموو مۊدێرنیتەی دیموکراتیکینە ژیوای شۊڕیانرە دلۍ خیانەتی

سیستموو مۊدێرنیتەی سەرمایەداری سیستمێوە دژەئینسانیەتا. جە تاریخوو ئینسانیەتینە هیچ بزاڤێوە ئندەو مۊدێرنیتەی سەرمایەداری دڕندە و بێئەخلاق نەبییەن. هیچ سیستمێوە ئندەو سەرڎەموو دەسەڵاتداریی مۊدێرنیتەی سەرمایەدای پا ڕاددەیە کۊیلایەتییش پەی وەڵۍ نەبەرڎەن. جە سیستموو مۊدێرنیتەی سەرمایەدارینە خیانەت وەرانوەر بە ژیوای کریان. هەست و مەنەیرەی ئینسانەکا ژەهراوی کریان، ژەنیشا جە قاچۍ وستێنۍ، گەنجۍ چەنی کاراکتەروو وێشا کەوتێنۍ دژایەتیوە، گلێرگە چێروو ناڵە و هاوارینە ورشنیانۊ. بەکوڵی ئی سیستمە ٥٠٠ ساڵییە ئینەنە: بەڵێوەن کە گرڎووو ئینسانیەتی و ژیوگەیش وڕنێنێرە. بایسوو گرڎوو گێجاو و قەیرانەکان، ئازاد و ناسۊرەکۍ، ئاورایی، کاولکاری و ئاڵۊزییەکۍ جە وەرکەوتوو دلێڕاسەینە سیستموو مۊدێرنیتەی سەرمایەداری و هێزە سەرمەشقە ئیمپرالیستییەکێشنێ. بە پاو ئینەیە ئەو سیستمە سەبەبی سەرەکیی پارچەبییەی کورڎستانی و سیاسەتوو قڕکەرڎەی گەلوو کورڎین. سیستموو مۊدێرنیتەی سەرمایەداری ئندە دوژمنوو کورڎان، دوژمنوو ئینسانیەتیچا، گەورەتەرین ڕاگێر وەرڎەموو ئاشتی و ئازادیی کورڎستانینە، هێزەکاو سەرمایەدارینێ.

مۊدێرنیتەی سەرمایەداری فرەتەرین هجوومەکیس پەی سەروو گەنجانێ. گەنجا کە بڕبڕەو مازیی گلێرگەینۍ پەی ئانەیە ماڕاشا، کریا ئامانج. ئا سیستمە گەرەکشا نەوێوە گەنجۍ چانۍ خولقنۊ، کە گەنجۍ پرسیار جە هیچی نەکەرا، پەیجۊریکەرڎەی و گێڵای دلۍ ژیواینە نازا، بە بۍ ئامانج بژیوا. گەرەکشانە دینەمۊ، تازەبییەیۊ، پرسیارکەرڎەی، ڕادیکاڵیزم و نەرمەوزەو فاڕای، کە متاوۊ جیهانی وزۊ خزمەتوو سیستمیوە بەیاگۍ یاونۊ. وەروو ئانەیچە بۊرڎومان و جەنگی تایبەت گرڎ ڕوۍ ٢٤ سەعاتۍ سەروو گەنجاوە کریۊ، کە کۊمەڵایەتیبییەی سروشتی دلێنە بەرۊ و تێکش مدۊ. پێناسەو 'گەنجی دیجیتالیزە'ی سەرەکیتەرین ئاماژە و بەروستەی ئا هجوومانە. . جە سەرڎەموو وەڵیوەلوای تەکنەلۊژیای مۊدێرنینە، نەک هەر جەوهەروو جەنگی فاڕیا، شێوازوو ژیوای کۊمەڵایەتییچ بەتەمامەتی جە گەوهەروو وێش دوور وزیانۊ. دووروستەیۊ ئینسانەکا جە ڕاسیی وێشا بەبۍ مرڎای کریان ئامانج و پەی ئانەیچە هەنگام بەهەنگام جە گرڎوو کایەکاو ژیواینە چەمچەنکەرڎەێوە ناکۊتا خولقنۊ.  

'گەورەتەرین وەربەس یاگۍ و هەڵوێستوو چینوو بورژوازی وچکلەین'

سەرمایەداری قەوەتوو وێش جە ڕاو  ئایدۊلۊژیاو لیبڕالیزمی و شێوەو ژیوای لیبڕاڵی بەیاگۍ میاونۊ.  ماچۊ تۊ چندە بەنرخ بی، ئاندە تاکەکەسنی، ئازادییچ ئاندە جە تۊوە نزیکا'. پێسە چی سیستمنە گرڎ چیوۍ پێچەوانە کریۊوە. جیاتیی ڕاسیی غەڵەتۍ، جیاتیی خاسەی خراپە، جیای جوانی گولی، جیای ئازادییچ کۊیلایەتی نریێنێرە. کۊنفڕانسەکەما بەتایبەتی سەروو تایبەتمەندییەکاو چینوو بورژوازیی وچکلەی و شێوازوو ژیوای ئادی مرڎا.وەرڎەموو شۊڕشەکەیمانە گەورەتەرین وەربەس یاگۍ و هەڵوێستوو چینوو بورژوازی وچکلەین. وەروو ئانەیە کۊنفڕانسەکەمانە قەرار دریا کە تایبەتمەندی و کولتووروو بورژوازی وچکلەی پیسە دوژمنی بنرریۊرە و وەراوەرشۊ بەتندی کۊشیۊ.  

وەراوەروو مۊدێرنیتەی سەرمایەداری و سیاسەتەکاشنە  دژوو گلێرگەینە مشۊم ژیوای کۊمۊناڵ و پێوەیی جە گرڎ یاگێوەنە برەوش پەنە بدریۊ. بەیدۍ یۊگێرتەیی کۊمەڵایەتی، ڕێزگێرتەی جە ئینسانیەتی، شێوازوو خەباتی هامبەشی ڕاسی گرڎ وەختۍ و گرڎ یاگێنە قەوەت کەرمۍ بکەین، جوانییئانەیە بشناسمۍ، هەستش پەنە کەرمۍ و جە ژیوایمانە وزمێش ڕووە.

درێژەش هەن...

هـ .ش / س . ز