چالاكییەكە بە بەشداری ژمارێوە وەرچەم جە ئەدەبوازا ئەدەبیاتو کوردی جە تەلارەو کۆنگرێسی جە زانشتگەو سلێمانی بە دەسوەڵێوستەی زانشتگەو سلێمانی و ماڵپەرو مەولەوی ئەنجام مڎریۆ و ماوەو دووۍ ڕوا خواینۆ، کۆنفرانسەکە جە هەشت پانێڵا پێک مۍ كە چنەشەنە هۊرسەنگنای پەی ئا توێژینەوا مکریۆ کە سەرو مەولەوی هۊنیەری ئەنجامدریێنۍ..

جە کۆنفرانسەکەنە د. کۆسار عەلی سەرۆکو زانشتگەو سلێمانی قسێش کەردۍ و ئەرەیاۋناش، شۊنکۆتا و ئانۍ کاریگەری مەولەویشا سەرا دەورشا جە پەرەپنەدای شووناسو کوردی و وەڵێوستەی کلتورو کوردینە هەن و بە دیدێوە پەڕ بایەخۆ تەماشەو ئی کۆنفرانسە زانستییە مکەرمۍ.

توێژەنەوەکۍ ئینۍ ئاستۍ مېیاننەتەوەییەنە

دماتەر د. محەمەد تاتانی سەرۆکو لوجنەو زانستی کۆنفرانسەکەی قسێش کەردۍ و چنەشەنە ئاماژەش پانەی کەرڎ کە ئا توێژینەوۍ جە کۆنفرانسەکەنە پەسینیێنۍ جە وڵاتا جیا جیایۆ پەیما ئامێنۍ پېسە ئەڵمانیا، میسر، جەزائیر، یەمەنی، دلېینەو عێراقی و هەرێمو کوردەسانیوە.

تاتانی واتیچش، جە ۋېیەردەنە مهیرەجانۍ و ئەوەکۊڵیۍ فرۍ سەرو مەولەوی کریێنۍ، بەڵام ئی کۆنفرانسە زانستی و وردبین و هەمەلایەنتەرین هەرمانەنە کە سەرو مەولەوی کریان، چونکی تەنیا گرنگی بە هۆنیەکاش نەڎریان، بەڵکم گرنگی بە کۆو بەرهەمەکا مەولەوی دریان.

جە دما دمایی چالاکیەکاو ئارۊینە، چن پارچە هۊنیێوە مەولەوی بە شێوەو مەقامی و بەستەی جە لایەنو گروپو مۆسیقاو ئارانیۆ پێشکەش بە ئامادەبیا کریا.