پەرلەمانتارو دەم پارتی نەورۆز ئویساڵ ئاهەنگو نەورۆزینە بنارو چیراڤینە واتش: "چی مەیدانەنە سڵام کیانمێ پەی بەڕێز ئۆجالانی، کە ڕۆحش کەرد وەرو نەورۆزیرە و ٢٥ ساڵێن ئینا گۆشەگیریینە، نەورۆزش ونە مەبارەک مکەرمێ".
دماو١٠ ساڵا نەورزۆ هەرێمو کانی مێرگینە بنارو کەشو چیراڤو سێرتینە کریا.
ئاویرو نەورۆزی بە چەپڵێ و هەلهەلێ و بەرزکەردەیۆ درووشما کریاوە، پەرلەمانتارو دەم پارتی نەورۆز ئویساڵ نەورۆزو مدرامانیش وەنەو مدرامانکەرا مەبارەک کەرد. وەختێ ئویساڵ نەورۆزش وەنەو ڕابەرو گەلو کوردی عەبدوڵا ئۆجالانی مەبارەک کەرد، گەل بە چەپڵێ و درووشمێ جوابشا داوە.
نەورۆز ئویساڵ باسو ئانەیش کرد نەورۆز گرنگیێوە تارێخییش هەن، ئێساڵ چی دماو ١٠ ساڵا هەزاران کەسێ دژو سیاسەتو زوڵمی و ستەمی کوێ بیێنێوە، واتش: "چی مەیدانۆ سڵام پەی بۆ بەڕێز ئۆجالانی مکیانمێ کە ڕۆحش کەرد وەرو نەورۆزیرە و ٢٥ ساڵێن ئینا گۆشەگیریینە. نەورۆزش وەنە مەبارەک مکەرمێ، بەڕێز ئۆجالان ئینا گۆشەگیریێوە تندنە، داواو ئاشتیش کەردە، پێویسا داوێکێش بیاویۆ یاگێ".
دمایی پەیامو ڕابەرو گەلو کوردی جە نەورۆزو ساڵەو ٢٠١٣ ونیاوە.
سەرەڕاو وارانی گەل مەیدانەکەشا چۆڵ نەکەرد.
ئاهەنگەکە بە گۆرانیێ و ورپرای دماییش ئاما.
