پارتو چەپی سەوزی جە ئەستەنبوڵ، موش، ئەدەنە و وان بە جۊش و خڕۊشۊ خەباتو ھورچنیەی ڕاۋەبەر مکەرۊ. "جەنگیز چیچەک" کاندیدو پارتو چەپی سەوزی جە ئەستەنبوڵ قسېش کەرڎۍ و ۋاتش، " فەقیرۍ، زەحمەتکېشۍ و ئانۍ مدرامان مکەرا ئی دەسەڵاتیە وڕنا."
خەباتو ھورچنیەو پارتو چەپی سەوزی جە فرەو شار و مەنتیقەو سەرنیشتوو کورڎسانی و تورکیاینە ۋەردەوامیش ھەن.
ئەستەنبوڵ
پارتو چەپی سەوزی جە مەنتیقەو سوڵتگازی ئەستەنبوڵ-ی ئۆفیسو ھورچنیایش کەرڎۊ. کەرڎەیۊ ئۊفیسەکەی پۍ زەماۋنۍ فاڕیا. جە مەراسیمەکەنە کاندیدەکۍ پارتو چەپی سەوزی ئشناسیۍ. کاندیدەکۍ بە جۊش و خڕۊشۊ پێشوازیشا ۋنەکریا و سڵامشا جە کاندیدەکا گەلی کەرڎ.
"جەنگیز چیچەک" هامۋتەواچو کۊنگرەو دیموکراتی گەلان (هەدەکە)ی و کاندیدو پەرلەمانی جە هەرێمو دوۋۍ ئەستەنبوڵی جە مەراسیمەکەنە قسېش کەرڎۍ و باسو ئانەیش کەرڎ، گەلوو کورڎی بە باجی گۊرۊ یاوان بە ئارۊی. ئێمە بە دەسەڵاتی ماچمۍ، بێدەنگۍ مەبیمۍ و مەتەرسمۍ. پێۋیسا ئانۍ کۊشکۍ تەرسا. بە ئەرەکۊشایۍ گۊرە یاۋێنمۍ پی ئاستیە. شمە مەتاوڎۍ سەرەما نامندێرە. فەقیرۍ و رەنجدەرۍ و ئانۍ مدرامان کەرا، ئی دەسەڵاتیە ھورشېۋناۋە. قەسەم ۋەرمۍ فاشیزم و دەسەڵاتی دلېنەبەرمۍ."
دماو قسەکەرڎەی، جوۋانۍ و کاندیدەکۍ ئۊفیسو ھورچنیایشا کەرڎۊ.
باغجلار
پارتو چەپی سەوزی جە مەنتیقەو باغجلارو ئەستەنبوڵی جە کۊڵانەو فەوزی چاکمانی ئۊفیسو ھورچنیەیش کەرڎۊ و جەماوەرێۋە فرە بەشڎاریشا کەرڎ. جۊش و خڕۊش جە ئاستێۋە بەرزەنە بۍ و دروشمۍ وچیێۋە. کاندیدەکۍ پەرلەمانی جە پارتو چەپی سەوزینە جە هەرێمو دوۋەمو ئەستەنبوڵی بەشڎاریشا جە کەرڎەیۊ ئۊفیسەکەینە کەرڎ و ۋێشا ئشناسا.
ھورچنیەو ئازاڎیی و سەرکۊتەی
"چیچەک ئۊتلو" کاندیدو پارتو چەپی سەوزی قسېش کەرڎۍ و ۋاتش، ۋەعدو سەرکۊتەی بە گەلی مڎەیمۍ.
"چیچەرئارچ" کاندیدو ئەستەنبوڵیچ باسو ئانەیش کەرڎ کە ھورچنیەو ئازاڎیا و سەرگنمۍ.
حەرپاسە "ئیلکنور بیرۊل" کاندیدو پارتەکەیچ ماچۊ، ١٤و ئایاری چی سیستمیە رزگارما بۊ.
دماتەر ئۊفیسو ھورچنیەی کریاۋە.
موش
پارتو چەپی سەوزی جە مەنتیقەو کۊپی و مەلازگرتی و موشی و جە شارۊچکڵەو لیزەی مەلازگرتی ئۊفیسو ھورچنیەکا کریاۋە.
"سومەییە بۊز و سەرحەد دورسون" کاندیدەکا پەرلەمانی بەشڎاریشا جە زەماۋنەو کەرڎەیۊ ئۊفیسەکەینە کەرڎ.
جە مەراسیمەکەنە کاندیدەکۍ قسېشا کەرڎە و چڕیەیشا پۍ خۊتانکەرڎەی جە سنوقەکا کەرڎ و داواشا کەرڎ گرڎ کەسۍ جە ۋەران ۋەرو دەسەڵاتی فاشیستینە مرڎۊوە.
وان
جە کۊڵانەو شەعبانیەو مەنتیقەو ئارتەمێنتانی وان-ی بە بەشڎاری سەڎان کەسا ئۊفیسو ھورچنیەو پارتو چەپی سەوزی کریاۋە. کاندیدەکۍ پارتەکەی و رێکوستەو پارتەکەی و سەڎان کەسۍ بەشڎاریشا کەرڎ و زەماۋنەشا گېڵنا.
"هاندان کاراکۊیون" هامسەرکو هەدەپەی وانەنە ئەرەیاۋناش؛ کە جە ھورچنیەکا ١٤و ئایارینە دەسەڵاتو ئاکەپەی دلېنەبەرمۍ.
ئەدەنە
کاندیدەکۍ پارتو چەپی سەوزی جە کۊڵانەو بەیازئەڤلەرو ئەدەنەی و ئەمەک سەرداو دوکاندارا و بازاری و كۊڵانەکاشا کەرڎ و داواشا کەرڎ گرڎ کەسۍ پەشتگیری جە پارتەکەیشا کەرۊ.
ھ.ش
