بۊنەو حەفتەو مافو ئینسانیوە ئیهەدە و ئۊهەدە و نویسگەو پارێزنەراو ماردینی ئەرەیاوناێوەشا وەڵا کەرڎۊ، ئەرەیاوناکەینە ئامان: گۊشەگیری پەرسەو کوردی قووڵتەرە کەرۊوە و ڕا وەنەو چارەسەری گێرۊ.
کۊمەڵەو مافوو ئینسانو ئیهەدەی، کۊمەڵەو پارێزنەراو ئازادی ئۊهەدە و کۊمیسیۊنو مافوو ئینسانی و سەندیکاو پارێزنەراو ماردینی بە بۊنەو حەفتەو مافوو ئینسانیوە وەرڎەموو بیناو سەندیکاو پارێزەرانە ئەرەیاوناێوە هامبەششا وەڵا کەرڎۊ. نوێنەرو ڕێکوزیایەکاو گلێرگەی مەدەنی و پارێزنەرۍ و چالاکاو مافوو ئینسانی بەشدارییشا کۊبییەیوەکەنە کەرد. کەسوکار و بنەیانەو بێسەروشۊنەکایچ بەشداریی کۊنفڕانسە ڕۊنامەوانییەکەیشا کەرد، ڕسموو دەسبەسەرکریایەکاشا گێرتەبۍ دەسۊ، ئەرەیاونایەکە هامسەرۊکو ئیهەدەو ماردینی، پارێزنەر هیجران ئەردینچیوە ونیاوە.
ئەردینچ ڕنشکەرڎۊ، حەرچندە دەوڵەتەکۍ یاساکاو جاڕنامەی جیهانیی مافەکاو ئینسانیشا قبووڵێنۍ، وەلۍ کەسانێوە دەسەڵاتدارێشا هەنۍ کە پەی بەرژەوەندییەکاشا ئی یاسایا بەکار نمارا. ئەردینچ ئاماژەش پانەیچە کەرد داوا وەنەو گلێرگەی کەرانۍ کە دەورو مافەکاو ئینسانینە یۊی گێرا و داوایچ وەنەو دەوڵەتی کەرا ئا ئاسایا کە جاڕنامەی گەردوونیی مافەکاو ئینسانینە ئامێنۍ بیاونۊ یاگۍ و ئاماژەش بە سیاسەتوو سزانەدایەکا تورکیانە کەرد.
ئەردینچ سەرنجەش پەی پاشێلکەرڎەی مافەکا تورکیانە کێشتە و واتش:"هەڵای زیندانەکاو تورکیاینە زیندانیۍ مرا، پاشێلکەرڎەی مافەکا پێسە دیپۊرتکەرڎەیوە، دووروستەیوە، ئەشکەنجە و مامەڵەی خراپ، گۊشەگیری، ئەرەبڕیای، دماوستەی ئازادیا، قۊرتوەشکەرڎەی دیداری چەنی بنەیانەکا و مافوو قسەکەرڎەی، ئەوەکۊڵیایوە دیسپلینی، پاشێلکاریۍ فرۍ ڕووە مدا. ئەوەڵ جە زیندانوو ئیمرالینە و زیندانیی سیاسیی تەرنە گۊشەگیریی ڕەها مسەپنا. گۊشەگیری چێگەوە بە ئەنقەست و سیستماتیکی سەروو گلێرگەیرە وەڵا بۊوە. گردوو ئینیشا و سیاسەتە هامشێوەکاش کێشەو کوردی قووڵتەرۍ کەراوە و ڕاو چارەسەری گێرا. پەوکای زیندانییە سیاسییا ٢٧ ئی مانگێوە بە داواو ورگێرتەی گۊشەگیری و چارەسەرو پەرسەی سیاسییەو کوردی دەسشا بە مانگێرتەی جە وارڎەی کەرڎەن.
ئەردینچ داواش وەنەو دەسەڵاتدارا کەرڎە، دمایی بە پاشێلکارییەکاو مافوو ئینسانی و گۊشەگیری سەروو گەلو کوردی و گردوو گلێرگەی بارا و واتش:"داوا وەنەو گردوو گلێرگەی کەرمۍ دەوروو مافوو ئینسانینە یۊی گێرا و داوا وەنەو دەوڵەتیچ کەرمۍ ئا یاسایاو جاڕنامەی جیهانی مافەکاو ئینسانی کە دلێشەنە بەشدارێنۍ، بیاونا یاگۍ."
دماو ئەرەیاوناکەی بە داواو ئاشکراکەرڎەی کەسە گومبییەکا چالاکیی ئەرەنیشتەی کریا. دماو چالاکییەکەی، ئەرەیاونایەکەی دماییش ئاما.
