بە پاو بەیاننامێوە بنیامین ناتانیاهۆ سەرۆکوەزیرانو ئیسرائیلی کە بەیانیی یەکشەممەی وەڵاکریانۆ، ڕۆو جومعەیۆ تا ئیسە جە ئەنجامە هرووژمەکا ئێرانیۆ پەی سەر و ئا وڵاتەی ١٣ کەسێ گیانشا جەدەسدان.
ناتانیاهۆ ئەرەیاوناش، جە هرووژمەکا ئێرانینە کە پێسە و جوابێ جە وەراوەرو هرووژمە وەرفراوانەکا ئیسرائیلی پەی سەر و ئێرانی ئەنجامدریێ، تاوەکو ئیسە یەرێ زاڕۆڵی و ١٣ کەسێ تەرێ گیانسا جەدەسدان، نۆ زامڏارێ بە قورسی، ٣٠ کەسێ زامەکێشا مامناوەندێنێ و ٣٤١ کەسیش بە سووکی زامڏارێنێ.
هۆشداریی پەی هاموڵاتییا ئێرانی کە ئینێ نزیکو کارگەو چەکینە مژیوا
جەلێوەتەرۆ، سوپاو ئیسرائیلی هۆشداریی فاڕایۆیش دا با هامووڵاتییا ئێرانیی کە نزیک 'کارگەکا چەک' ی ژیوا. جە ئەرەیاونێوە هەژمارو فارسی سوپاو ئیسرائیلینە ئامان،"هۆشداریی بەپەلە پەی گرڏ و هامووڵاتییا ئێرانی: گرڏ و ئانیشا کە ئینێ نزیکو کارگەکا چەکی یان ئەرەمەزییەکێ کە سەر باریشانێ، ئانێ بەنیازێنی پی زوانە بلا ئا یاگێ، پەنەوازا دەموودەس ناوچەکا چۆڵ بکەرا و گێڵاوە."
