وێرەگاو ئارۆی هونەرمەندێ  فارقین ئازاد، حاجی کاراکاس، مستەفا دەمیر و عەزیز عەگید بە مەبەسوو واوەی دەسپەنەکەردەیوەی چالاکییەکا و پێشکەشکەردەی نموونیوی ڕەسەنوو کولتووری کوردیی، کۆنسێرتێوە مکریۆ.

ڕۆنامەو La Repubblica وەڵاش کەردۆ، "ئینە تەنیا کۆنسێرتێوی نییەن، بە قسێ ڕۆنامەکەی، کۆنسێرتەکە بە ئامانجوو دەسپەنەکەردەیوە داواو دماییئاردەی بە گۆشەگێریی سەپیاو سەروو رابەروو گەلوو کوردی عەبدوڵا ئۆجالان-ین.

بە قسێ هەواڵەکەی، مەبەس ئانەنە جارێوی تەر هەڵمەتەو ئازادیی عەبدوڵا ئۆجالانی دەس پەنە بکەرۆوە،  ئاهەنگەکەنە زیاتەر، جە ٦٠ کەسە نامیاو ورگێراو خەڵاتوو نۆبێڵوو ئاشتی، پێسەو ئادۆلفۆ پەرەز ئەسکیوڤل، زیندانی سیاسیی وەڵینوو ئەرژەنتینی و هونەرمەندێ بەرهەمەکێشا پیشکەشێ کەردێ."

کۆنسێرتەکە ڕو پەنج شەممەی ٢٥و تەممووزی سەعات  ٢١:٠٠  پارکوو Casilino Sky جە  Viale della Bella Villa ١٠٦ مکریۆ. لوای چوەر بە ٧ یۆرۆێن و متاوی بلیتەکا بازاڕو Taverna Curdo Meticcia li Casilina 607  بسانی.

کۆنسێرتەکە ناوەندوو کولتووری کوردیی ئاراراتی، تۆڕەو کوردستان ئیتالیای و نویسگەو ئەرەیاونای کوردسانی ئیتالیانە ڕێک وزیان.  .