یۆبییەی ژەناو کوردو ئەڵمانیای (یەژەکە-ئە) دژ بە سیستمو ئەشکەنجەی و گۆشەگیریی ئیمرالی داواو بەشدارییش جە هەڵمەتەو نامەکیانای پەی سی پی تی کەرد.

دەقو ئەرەیاونایەکەی:

"سەلەمیان کە وەڵاتاو ئەورووپای و ناتۆ بە بێدەنگیی وێشا ڕاشا پەی پاشێلکارییەکاو تورکیای وەشە کەردێنە وبیێنێ هامبەشو ئی تاوانا. هەرپاسە پێویسا سی پی تی زانیاریی ڕاس و دروس بدۆ بە گەلو کوردی. سی پی تی بارەو سەردایەکەیش پەی ئیمرالی ساڵەو ٢٠٢٢ ڕاپۆرتەو وێش تا ئیساتێ پەی ڕای گردینی وەڵا نەکەردێنەوە، گەلوو کوردیچ بە هیچ شێوێوە لاشاوە  قبووڵکریا نییا.

تا سی پی تی ئی وەرپەرسییە بیاونۆ یاگێ، ئێمە پێسەو یەژەکە-ئەی، چوارچوەو چالاکییەکاو تەژەکە-ئەینە، هەڵمەتەو نامەکیانایما پەی سی پی تی، ئەورووپای دەس پەنە کەردەن. حەفتەی یوەمو کەمپینەکەینە ئەنجوومەنەکاو ژەنا بە دروشمو؛ 'ئازادیی ڕابەر ئاپۆی ئازادیی ئێمەن" بە پاڵپشتیێوی فرەوە کریا و ١٠٧١ نامێ ڕوانە کریێنێ.

چالاکی و هەڵمەتەکێما تا مسۆگەرکەردەی ئازادیی ڕابەر ئاپۆی بەردەوامێ بانێ، ئێمە پێسەو ژەنا گردو مافە دیموکراتیکەکاما دژو سیاسەتە کۆکوشییەکا، کە گەرەکشانە سەرو ڕابەر ئاپۆیۆ بکریا، بەکارمارمێ. چوارچوەو هەڵمەتەکێمانە درێژە بە چالاکییەکاما مدەیمێ، داوا وەنەو گردو ژەناو و ڕێکوزیایەکا مکەرمێ، کە بەشدارێ با جە هەڵمەتەو کیانای نامانە پەی سی پی تی.