ئەنجوومەنو بنەیانەو گەشمەرڏا حەلەبی بە بۆنۆ ٤و نیسانی ڕۆو جەئەڏیابییەو ڕابەر ئاپۆی، زەماوەنێوەش پەی زاڕۆڵا گەشمەرڏا سازکەرد.

زەماوەنەکێ جە تەلارێوە کۆڵاو شێخ مەقسوودی بە بەشداریی بنەیانە و زاڕۆڵا گەشمەرڏا و، نوێنەرو لایەنە سیاسییەکا، ڕێکوزیاکا گلێرگەو مەدەنی و ئەنجوومەنی و کۆمۆنەکاوە لواڕاوە.

مەراسیمەکەنە ڕەمزیە ساڵحە ڕاوەبەرەو ئەنجوومەنو بنەیانەو گەشمەرڏا قسێش کەردێ و ٤و نیسانیش جە بنەیانەو گەشمەرڏا موبارەک کەرد. ڕەمزیە جە قسەکاشەنە باسش جە مڏرامان و ڕابەر ئاپۆی جە زینانو ئیمرالی و بانگەوازەکەیش پەی ئاشتی کەرد.

هامکات ئاماژەش پانەیش کەرد، هەتا ئازادی جەسەیی ڕابەر ئاپۆی بەدی نێنە، درێژە بە ئەوەکۆشای مڏانە.

دماتەر گرووپس تیشکەکا وەری (ترێژێن ڕۆژێ) و گرووپیپو جودی ئامانۆس و هونەرمەند ئەحمەد ڕەشۆ هونەرەکێشا پێشکەش کەردێ و بەشداربییەکێ زەماوەنەشا  گێڵنا.