قەسەدە چەتێوە داعشش باڵبەس کەرد
قەسەدە ئەرەیاوناش جە دەگاکا حەسەکەی جە ئۆپراسیۆنو (تۆل)نە هێزەکێشا چەتێوە داعشیشا باڵبەس کەردەن.
مییانو ئەرەیاوناو هێزەکا سووریای دیموکراتیکی (قەسەدە) دەربارەو ئۆپراسیۆنو تیمەکا ئۆپراسیۆنی سەروازی (تۆل) ئەرەیاونێوەش وەڵاکەردۆ.
ئەرەیاوناکەینە ئاماژە پانەیە کریان ئۆپراسیۆنەکە جە دەگاو 'تویمین'و شارو شەدادی ئەنجام دریان و ئی زانیاریێ وسیێنێ ڕووە: "تیمەکێ ئۆپراسیۆنو سەروازی دماو گلێرۆکەردەو زانیاری تەمامی سەرو جوڵەو کەسێوە بە نامێ زاهر کیدی ئەل فیان(عەبدی غازی)، تاواش ئا یاگێ کە نام بریا وێش دلێ حەشاردان دەستنیشان کەرۆ."
جە بەردەوامی ئەرەیاناکەینە ئاماژە پانەیە کریان جە ئەنجامو ئۆپراسیۆنەکەینە چەتە زاهر کیدی ئەل فیان باڵبەسکریان، هەرپاسە نامبریا ٢ چەکێ کڵاشینکۆفێ چنی ١٠ شانێ فیشەکی، چنین هاندێ مۆبایلی و زەڕەبینێ سەروازیش پنەبییەن، دەسشا سەرەرە گێرتەن.
جە دماین و ئەرەیاوناکەینە وچیا: "هێزە سەروازییەکێما جە ئۆپراسیۆنەکاشا جە دژو ڕێکوزیاو تیرۆریستییەکا بەردەوامێنێ.تاوەکو بە تەمامەتی دلێنە بریا و سەقامگیری هەرێمەکەی مسۆگەر بۆنە".
