بە سەرمەشقایەتی ژەنا و بە شداری هەزاران کەسێ کە ئەرەنیشتێ کانتۆنو فوراتینێ پەی ئازادی جەسەیی ڕابەر ئاپۆی بە درووشموو "ئازادی جەسەیی ڕابەر ئاپۆی مسۆگەر کەردەو گلێرگەو دیموکراتیکیا" ڕاپیمایشا ئەنجام دا.

ڕاپیماکەی بە درووشموو "بژیوۆنە سەرۆک ئاپۆ" و"بێ سەرۆک ژیوای مەبۆنە" جە مێڏانو ژیوای ئازادی کۆبانێ دەسش پنەکەرد و تاوەکو مێڏانو ئاشتی بەردەوام بێ.

دماتەر جە مێڏانو ئاشتی فاڕیا پەی گلێرۆبییە و دەقێوە ڕێزگیریا جە گەشمەرڏا ڕاو ڕزگاری. دماتەر هامسەرۆکو دەسەو ئەنجوومەنو بنەیانەو گەشمەرڏا کانتۆنو فوراتی موستەفا عەتۆ قسێش کەردێ و ئاماژەش پانەیەدا وەرکەوتوو مییامینی بە پڕۆسێوە هەستیارەرە ویەرۆنە، ئانەی متاوۆنە ئی پڕۆسەیە بە سەرکۆتەی یاونۆ ڕابەت ئاپۆن و واتش: "ڕابەر ئاپۆ پەی ئازادی تەمامو پێكئامایەکا ئەوەکۆشۆنە، مشۆم ئێمەچ خاوەندارێتی جە فەلسەفەو ڕابەر ئاپۆی بکەرمێنە و پەی ئازادی جەسەیی ئاڏی ئەوەکۆشمێنە."

عەتۆ جە بەردەوامیینە ئاماژەش پانەیشدا گەل داواو ئازادی جەسەیی ڕابەر ئاپۆی مکەرۆ و واتش: "ڕابەر ئاپۆ تاوۆنە پرسەکا چارەسەر بکەرۆ و ئینەیچ بە ئازادی جەسەیی ڕابەر ئاپۆی مێ. مشۆم پەی ئازادی جەسەیی ڕابەر ئاپۆی مڏرامان و ئەوەکۆشای بەهێزتەر بکەرمێنە."

ڕاپیماکەی بە دروشموو  بێ سەرۆک ژیوای مەبۆ" دمایش ئاما.